مسير الحال يتبدل..
كل شيء في الدنيا بيتغير، حتى الحاجات اللي كنتِ فاكرها ثابتة.
في لحظة واحدة، ربنا يقلب الموازين كلها…
القوي يضعف، والبعيد يقرب، واللي راح يرجع، واللي خسرته تكتشف بعدين إنه ماكانش خسارة أصلاً..
تفتح عينيك على واقع جديد ماكنتش متخيله،
وتفهم إن كل مشهد وجعك كان جزء من سيناريو إلهي دقيق،
كل تأخير كان لحكمة، وكل غياب كان تجهيز
في قصة سيدنا #يوسف، ربنا بيورّينا إن الثابت الوحيد هو تدبيره.
طفل يُرمى في بئر ظلمًا، فيُلتقط ليُباع بثمن بخس،
ثم يُظلم مرة تانية ويتسجن بلا ذنب،
لكنّ كل باب انقفل قدامه، كان في الحقيقة بيُفتح لباب أوسع.
مين كان يصدق إن طفل مرمي في بئر، يبقى بعد سنين على خزائن الأرض؟
مين كان يتخيل إن الغدر هيكون باب النجاة، وإن السجن هيكون طريق التمكين؟
الحكاية دي مش حكاية نبي بس،
دي خريطة نجاة لكل قلب مكسور، ولكل حد شايف الدنيا ظلمته.
بتقولك مافيش ظلم بيضيع، ولا وجع بيروح هدر،
وربنا لا ينسى دمعة ولا دعوة، ولا لحظة صبر عدت في الخفاء.
الأيام بتلف، والحق بيظهر، والموازين بتتعدل في الوقت اللي يختاره ربك، مش الوقت اللي تختاره أنت.
قال تعالى: "وَاللَّهُ يَحْكُمُ لَا مُعَقِّبَ لِحُكْمِهِ وَهُوَ سَرِيعُ الْحِسَابِ" #سورة_الرعد
اللي بيحصل مش صدفة، ولا عشوائية…
ربنا بيحرّك المشهد خطوة بخطوة علشان يوصلّك للِّي في نفعك ، مش للِّي نفسك فيه..
فاهدا واطمّئن، مفيش حاجة اتأخرت.. ربك بس بيدبرها في وقتها الصح 🤍
#سِكّة_السَّلامة
#noha_zahra
#كن_مع_الله
1September 1, 2026 73
