የስፔን የወደፊቷ ንግሥት ወታደራዊ ብቃቷን አረጋገጠች
የስፔን ዙፋን ለመረከብ የመጀመሪያ ተሰላፊ የሆነችው የ20 ዓመቷ ልዕልት ሊዮኖር፣ በንጉሳዊ ቤተሰቧ ታሪክ በፓራሹት በመዝለል የመጀመሪያዋ በመሆን አዲስ ታሪክ አስመዝግባለች።
ስምንት ዓለም አቀፍ ቋንቋዎችን አቀላጥፋ የምትናገረው ይህች ወጣት ልዕልት፣ የወደፊት የአገሪቱ ርዕሰ ብሔርና የጦር ኃይሎች ጠቅላይ አዛዥ እንደመሆኗ መጠን ለዙፋኑ የሚመጥን አጠቃላይ ወታደራዊ ስልጠና ወስዳለች።
ለሦስት ዓመታት በሀገሪቱ እግረኛ ጦር፣ ባህር ኃይል እና አየር ኃይል ውስጥ ሲሰጥ የነበረውን ጠንካራ ወታደራዊ ስልጠና በስኬት ያጠናቀቀችው ልዕልቷ፣ ምንም ዓይነት ልዩ ክብር ሳይደረግላት ከሌሎች እጩ መኮንኖች ጋር እኩል በምሽት ጭምር አስቸጋሪ የፓራሹት ዝላይዎችን አከናውናለች።
በቅርቡ ያጠናቀቀችው ወታደራዊ ማሰልጠኛ አካል የሆነው የአየር ወለድ ዝግጅት ልዩ ትኩረት የሳበ ሲሆን፣ በከፍተኛ ከፍታ ላይ ከበረራ አውሮፕላን በፓራሹት በመወንጨፍ በስፔን ንጉሣዊ ቤተሰብ ታሪክ የመጀመሪያዋ ሴት ተወንጫፊ ለመሆን በቅታለች።
ካለፉት 150 ዓመታት ወዲህ የስፔን የመጀመሪያዋ ነጋሲ ንግስት (Reigning Queen) ለመሆን የምትዘጋጀው ልዕልት ሊዮኖር፣ ይህንን ከፍተኛ ወታደራዊ ስልጠና ማጠናቀቋን ተከትሎ በቀጣይ በፖለቲካ ሳይንስ ትምህርቷን እንደምትቀጥል ታውቋል።
ይህ ታሪካዊ እርምጃዋ ዘመናዊና ጠንካራ የአመራር ቁመና እንዳላት ለሕዝቡ ያሳየ ሁነት ተደርጎ ተወስዷል።
ልዕልቲቷ ከዚህ ቀደም በብስክሌት፣ በመርከብ እና በተለያዩ ወታደራዊ አካዳሚዎች ያሳለፈቻቸው የትምህርትና የተግባር ዓመታት የአገሪቱን ዘመናዊ የንጉሣዊ አገዛዝ ሚና በአዲስ መልክ እንደሚቀርጹት ተንታኞች ይገልጻሉ።
የስፔን ሕዝብም የወደፊቷን ንግሥት በትልቅ አክብሮትና ተስፋ እየተመለከታት ይገኛል።
