صديقي العزيز، أوقات كتير بنخاف والخوف بيمتلكنا.. بنخاف من بكرة، بنخاف نِحب، ونخاف نتحب، بنخاف نِقف، وبنخاف نحاول، بنخاف نعيش، وفي ناس بتخاف تتنفس لأنها مش ضامنة إن ده يكون نَفَسها الأخير.
في الواقع، الخوف هو اللي هيموّتك؛ هتفضل واقف خايف والناس حواليك مطمنة، وهتفضل ضعيف والكل حواليك أقوياء.
عزيزي القارئ الجميل، متخافش.. الفقد والخوف وجهين لعملة واحدة. إياك تخاف إنك تخسر، لأنك "ممكن" تكسب.
عيش المغامرة، وعيش الخوف، عيش الفقد.. عيش كل لحظة جواك من غير قلق.. أنت إنسان.
#أحمد_جان
#فضفضة
16January 28, 2026 562 2
