بالأول خلينا نحكي شو بيعني الإسم؟
إيفان الو عدة معاني مامهمة كلها بس المعنى الأهم والي اخترت الإسم على شانه
جامع الخير - ملك الخير 
هل إيفان إسمي الحقيقي؟
لاء أبداً لكن بيعنيلي كتير هالإسم ..
مجد !
إسمي يلي سماني ياه أبي ورضيّت فيه أمي.
عشت والناس كانت ولازالت بتعرفني بهالأسم وبحبه كتير وبفخر فيه ..
صح انو أسمي هون إيفان بس ماخبيت انو أسمي مجد كل ماحاكي شخص جديد مابيعرفني بعرف عن نفسي مجد ..
إيفان أو مجد واحد بس مين؟
شاب من مواليد 2005 ..
تحديداً 4/ 11
شاب من مواليد حلب بعيش بريف حلب ..
عقرب، بس مو كل عقرب سّام. 🦂
إيفان شاب طموح، أحلامه كبيرة، صاحب مبادئ ..
إيفان بعمره ماخاف من الحقيقة .
الشي يلي بيعمله بيحكيه بأعلى صوته أنا عملت هاد الشي ..
إيفان بيتقبل النقد والنصائح من أي شخص وبروح رياضية ،
إيفان شاب متسامح كل مطلبه السلام .
ممكن يعتذر وماهو غلطان.
ممكن يسكت منشان مايجرح إنسان ..
ياما تظاهر بالقوة ونام بكيان ،
إيفان تعلم من تجارب الحياة وصار يتمنى النسيان ،
بيدخل بنقاشات ليتعلم ويتفتح أكتر مابخاف من كلمة عصيان ..
أصلاً شو بخوفه وتعود على الخذلان ؟
كأنو سردنا شوي ؟!
طيب منتابع مين إيفان ؟
طالب هندسة معمارية سنة ثانية ..
بنفس الوقت هو موظف بعد الجامعة ،
حاول كتير ياأمن مصّدر دخل تاني بجهد أخف ..
بس للأسف دائماً ماكان ينتهي بطريق مسدود ! بسبب السجن الجغرافي اللي كان فيه بس هلق ان شاء الله حط على بر الأمان ..
تخطى منطقة الراحة مروراً بالتعلم واصل لمرحلة الإنتاج ،
إيفان صعب انو يثق بس بضل إنسان ..
مستحيل يخون بتلاقيه للوفا عنوان ..
إيفان أبداً مو انطوائي بس كمان مو اجتماعي بين التنين ،
يقعد لحاله بغرفة مقفولة الباب مع سماعته وكاسة الليمون،
أحب على قلبه من سهرة محتواها فلان وعلتان ..!!
باختصار إيفان مو مراية متل مابتفرجيه بفرجيك ..
لاء كون منيح بتلاقيه أحسن منك ،
أما انك تكون سيء بتلاقيه مو معبرك ،
صعب ينزعج عايش بهدوء هاد هو إيفان
.
