من إحنا صغار نحب الاهتمام وخاصة الإهتمام اللي يكون خاص بس النه،
لهسة اتذكر من امي جانت تخبز بالتنور وتسويلي گرصة خبز صغيرة(حناية) اليه بس، جنت آكلها واني فرحان ، صحيح ماتفرق عن گرص الخبز الكبار الباقيات وصحيح من نفس مكونات العجينة، بس جان الها طعم مُختلف، إلها لذة خاصة لأن سوتها الي بس وبالحجم الأريده.
كبرنا وتعلمنه أن الإنسان اللي يميزنا واللي يهتم بينه واللي يقدم النا تضحيات يمكن ما نستحقها بس يقدمها لأن يحبنا ولأن يريدنا نكون جزء رئيسي بحياته، راح نحس يمه بنفس إحساسنه من جنه صغار، احساس الأمان والحنيه التقدمه الأم بگرصة خبزها الصغيرة.
شكراً لكل إنسان يهتم لأمرنا، بزعلنه وبحزنه وبفرحنه وبمشاكلنا، شكراً لكل إنسان ما عنده نية ومصلحة ويانه، وكل همه شلون يسعدنا.
شكراً بقدر محبتكم
.
