السلام عليكم ورحمة الله وبركاته
صباح الخير يا شباب
مش كل تريند يستحق وقتك، ومش كل جدال يستحق طاقتك، ومش كل كلام منتشر يستحق إنك تنقله، ولا لازم يكون ليك رأي في كل حاجة.
متعملش الحاجة لمجرد إن الكل بيجري وراها وبيعملها!
تشوف الناس بتضحك فتضحك، تشوفهم بيهاجموا حد فتشارك، أو تشوف موضوع منتشر فتحس إنه لازم تعرف عنه وتعلّق عليه.
المؤمن مش مطلوب منه يخوض في كل دا!
قال تعالى: ﴿وَإِذَا مَرُّوا بِاللَّغْوِ مَرُّوا كِرَامًا﴾
فقبل ما تدخل في حاجة، اسأل نفسك:
هل دي حاجة تنفعني؟
هل في كلامي فائدة؟
هل لو سكت هخسر حاجة؟
ولا تخوض مع الخائضين، وافتكر إن النجاة قد تكون في الصمت، وإن أحيانًا بيكون أفضل شيء تعمله إنك متقفش عند أي حاجة من دي وتكمل طريقك.
5
3
1
1
1
1September 26, 2026 87
