المرجع البصري الأول لتبسيط المفاهيم البرمجية في الوطن العربي 🚀
الفترة اللي فاتت كنا شغالين على شوية مفاجآت في اقرأ-تِك وكان من ضمن التحديات اللي واجهتنا هي صعوبة إضافة مميزات وأفكار جديدة وده لإننا بدأنا بـ Self-Hosted Solution يساعدنا في تحقيق رؤيتنا.
ولكن مع الوقت اكتشفنا ان بأيدينا نخلق ثغر قوي في الوطن العربي خصوصًا بعد الظروف اللي بنمر بيها يوميًا! فده خلى عندنا حافز اننا نكمل في رؤيتنا ونكبر من اقرأ-تِك ونمشي في تحقيق ده خطوة بخطوة.
الحمدلله اشتغلنا على أول خطوة وهي اعادة تنسيق وانتاج محتوى "ورقة وقلم" بشكل مبسط واللي بيمثل أكبر نسبة مشاهدات في المنصة واللي بيتميز بالشروحات الرسومية لتبسيط المفاهيم البرمجية وأصبح مجاني للجميع و Open-Source!
طب ايه الفرق بين المحتوى ده والمحتوى الخاص بمنصة اقرأ-تِك ؟
= الإجابة بكل بساطة هي إن محتوى المنصة هيكون مميز بشموليته وتفاصيله وهيكون حصري للمشتركين في المنصة وهيكون للمستخدمين حرية الوصول للمحتوى ده وبعد كام شهر هيتم اعادة تنسيق المحتوى وتوفير نسخة مصغرة منه كـ Open-Source.
مش بس كده ، المحتوى الخاص بورقة وقلم كونه باه متاح إنه Open-Source معناه إن بإيد أي حد دلوقتي إنه يساهم معانا في التعديل وإثراء المحتوى من خلال شروحات مبسطة واحنا هنشتغل على التصاميم بحيث الناتج النهائي يحافظ على جودته بالنسبة للقراء.
كمان النسخة الجديدة والخاصة بمحتوى "ورقة وقلم" رغم بساطتها حاليًا إلا إنها بتضم مميزات كتيرة زي :
🔸 التظليل وأخذ الملاحظات
🔸 حفظ المواضيع للقراءة لاحقًا
🔸 نظام تحفيز ومتابعة النشاط بشكل Gamification
🔸 لوحة المتصدرين وده هيخلي فيه نظام مفاجآت فعال لأكتر ناس بتبعت دعوات أو اكتر ناس محافظة على الـ Streaks بتاعها وهكذا بحيث نقدر نكافئ الناس باصدارات من اقرأ-تِك مجانًا او اشتراكات على المنصة الأساسية
🔸 تحميل الشروحات الرسومية بجودة عالية
وده هيساعدنا قريبًا في اننا نبني منصة متكاملة وده لإن هدفنا باذن الله إننا نقدر نقدم منصة عربية متكاملة بتوفر تجربة تعليم مميزة في كل ما يخص هندسة البرمجيات بالعربي من خلال (المقالات، الدورات، الشروحات الرسومية، الكتب والاصدارات وغيرها)
وأكيد هيكون في استغلال قوي للذكاء الاصطناعي خصوصًا في الدورات اللي هنشتغل عليها واللي هتكون بطابع مميز جدًا جدًا يحبب الناس في التعلم من خلال القراءة ❤️
تقدروا تشوفوا الرابط من هنا وتشتركوا مجانًا وتشوفوا مفاجئات خاصة بالـ Leaderboard👇
https://guides.eqraatech.com
اقرأ-تِك
اقرأ-تِك | شروحات رسومية في هندسة البرمجيات
المرجع البصري الأول لتبسيط المفاهيم البرمجية في الوطن العربي. شروحات رسومية مختصرة لتبسيط مواضيع في هندسة البرمجيات بجودة عالية
6September 1, 2025 1.2K 6
