नाशिक एकलहरे औष्णिक वीज निर्मिती प्रगत कुशल प्रशिक्षणार्थी व इतर निर्मिती कंपनीचे प्रकल्पग्रस्त यांना महानिर्मिती कंपनीत तंत्रज्ञ-३ पदाची भरती काढून सामावून घ्यावे याकरिता महाराष्ट्र स्टेट इलेक्ट्रिसिटी वर्कर्स फेडरेशन संघटनेच्या वतीने मुंबई आझाद मैदान येथे आंदोलन सुरू केले होते. या आंदोलनाची दखल घेत संघटनेबरोबर झाल्यानंतर महानिर्मिती कंपनीत तंत्रज्ञ-३ या ८०० पदाच्या भरतीची जाहिरात काढून भरतीची प्रक्रिया सुरू केली. या भरतीमध्ये नाशिक एकलहरे वीज निर्मिती केंद्रातील प्रगत कुशल प्रशिक्षणार्थीची मोठ्या प्रमाणावर तंत्रज्ञ-३ पदावर निवड झाली. भरतीची अंतिम प्रक्रिया तातडीने पूर्ण करावी याकरिता कॉम्रेड समाधान लोणे व त्यांचे इतर सहकारी यांनी संघटनेकडे सतत पाठपुरावा केला. काल त्यांनी संघटनेच नेतृत्वावर नाशिक येथे आले असता नेतृत्वाची सदिच्छा भेट घेतली व केलेल्या सहकार्याबद्दल पुष्पगुच्छ देऊन आभार व्यक्त केले.
भरतीची अंतिम प्रक्रिया तातडीने पूर्ण करण्याची विनंती नेतृत्वास केली.मा.डॉक्टर नितीन वाघ कार्यकारी संचालक (मानव संसाधन) यांच्याशी दूरध्वनीवरून संपर्क करून तंत्रज्ञ-३ पदाची अंतिम निवड यादी तात्काळ जाहीर करावी अशी विनंती केली असता त्यांनी स्पष्ट केले की, आयबीपीएस या कंपनीने महानिर्मिती कंपनीत निकाल दिला होता,पण त्यात काही तांत्रिक अडचणी होत्या, त्या अडचणी बाबत माहिती आयबीपीएस कंपनीला महानिर्मिती कंपनीने उपलब्ध करून दिली असून आयबीपीएस कंपनी ८ दिवसाच्या आत अंतिम निवड यादी महानिर्मिती कंपनी प्रशासनात देणार आहे. त्यांच्याकडून यादी येताच प्रसिद्ध करण्यात येईल असे आश्वासन त्यांनी दिले.
निवड झालेल्या सर्व एकलहरे विविध निर्मिती प्रकल्प प्रगत कुशल प्रकल्पग्रस्त यांनी महानिर्मिती कंपनीत हजर झाल्यानंतर महाराष्ट्र स्टेट इलेक्ट्रिसिटी वर्कर्स संघटनेच सभासदत्व स्विकारणार असल्याचे जाहीर केले. यावेळेस कॉमेड एस.आर.खतिब उपाध्यक्ष, कॉम्रेड नारायण देवकाते झोनल सचिव एकलहरे व कॉम्रेड उमाकांत पोरजे झोनल अध्यक्ष, कॉम्रेड रोहिदास पवार झोनल सचिव पारेषण झोन नाशिक इतर पदाधिकारी उपस्थित होते.
41
6
1April 30, 2026 24.8K 12
