Emtyaze notes: post #28 — TG.ME

👩‍⚕👩‍⚕👩‍⚕الدكتورة/ رقية صادق دفعة 34👩‍⚕👩‍⚕👩‍⚕ الإمتياز نصيحة لما تبدأ أي كورس تعمل لك أهداف تشتي تخلص الكورس وانت محققها ،القراءة اقرأ من أي مكان أنا كنت اقرأ الحالة التي اشوفها بالمستشفى من نفس الكتب الذي كنت اقرأهم بالبكالوريوس والادوية والجرع كنت اشوفهم من الميدسكيب في كتاب دكتور جايد حلو اذا تشتي تقرأ للامتياز ككل ، وفي فيديوهات ثقة أنا بدأت اشوفها مؤخراً كويسه انصح إن كل قسم تشوفه في الكورس تبعه أفضل يرتب لك معلوماتك بطريقة صح والتي بتفيدك الجراحة .. في العيادات شوفوا كيف يشخصوا الحالة بدايةً من الهستوري والفحص السريري بعدين الفحوصات وكيف يحضروا المريض للعملية الفحوصات الإجراءات قبل العملية وفي العمليات تعلموا الخياطة وركزوا على العملية من لما يدخلوا المريض للما يخرجوه ،  بعدين في الوورد شوفوا كيف تكون متابعة الحالة ايش المضاعفات المتوقعة وابحثوا عنها في الفلواب واتعلمو المجارحة كونوا اشتغلوا بانفسكم تحت إشراف الطبيب المسؤول وكمان الاجراءات بعد العملية ايش ينصحوا المريض بعد العملية متى يجي يبعد الخيوط وهذي الاشياء وفي المناوبات تتعلموا كيف يتعاملوا مع الحالات الجراحية الطارئة كيف يقيموها ويشخصوها ويتعاملوا معها الخواص .. نفس الشيء انت يكون معك هدف ايش تشتي تخرج من الكورس بفائدة شوفوا الحالة كيف اتشخصت وكيف عالجوها وروح اقرأ عنها عشان تثبت الأطفال .. انا كنت في الثورة حاولوا تحضروا عيادات كثير بتستفيدوا وكمان الطوارئ مفيد جداً نصيحة اعملوا علاقات مع التمريض واتعلموا منهم عن الادوية والجرع وكيف يعملوا العلاجات الصراحة يفيدوا كثير وأي مهارات تشتي تكسبها شوف وارجع اعمل من نفسك لما تمسك ملف اقرأه وافهمه كامل من لما دخلت الحالة وكيف اتعاملوا معاها وشوف المديكيشن شارت بتتعلم الجرع واسأل عن كل شي مش فاهم له طبعاً ماحد بيجي يعلمك وانت ساكت حاول تسأل وتستفسر عن كل شيء واي  دكتور يشوفك تسأل بيعلمك أكيد النسائية ..  لازم تخرجي من الكورس تعرفي تولدي وحاولي من البداية من أول مناوبة لا تنتظري للاخير يعني أول  وثاني مناوبة تشاركي ثالث مناوبة حاولي تكوني انتي الي تشتغل والدكتورة مشرفه عليك وحاولي اكثر من مرة  لا تضيعي فرصة شوفي الحالة من لما تدخل ايش الهستوري حقها وكيف يتابعوها للما تولد اتعلمي البارتوجرام وال CTG  وال induction ايش العلاجات التي يعطوها قبل واثناء وبعد وكيف تتابعي الحالة بعد الولادة العيادات كمان مفيدة ، بتجي حالات كثيرة ANC لازم تعرفي ايش الاشياء التي تبحثي عنها في كل ترايمستر والفحوصات وتتعلمي ال ultrasound  اسألي كثير ،اذا الدكتورة شافتك اكتف بتتحمس تعلمك أكثر شوفي الحالات الجايني pco bleeding وكيف يشخصوها ويعالجوها وبعدين تقرأي عنها بالبيت وتقارني وكذا الباطنة .. انت بيكون عليك تمسك سرير في الكورس اعمل نفس ما قلنا قبل الملف تقرأه من بدايته تروح تقرأ عن الموضوع ضروري تشوف ايش مضاعفات الحالة وتدور عليها كل يوم بالفواب وليش الحالة جالسة ليش خرجت وهكذا تكون فاهم كل شيء عن حالتك تمام بعدين في الراوند بتمر على حالات ثانية اسمع الهستوري تمام وحاول تفهم كيف اتعاملوا معاها وأسأل ولو بقي معاك وقت تروح تقرأ عنها بعد ما تكمل تقرأ عن حالتك وتهضمها تمام بعدين شوف حق البقية ولا تنسى المديكيشن شارت واسأل ليش ضافوا علاج أو وقفوا علاج وهكذا  وكن اكتب الادفايس حق حالتك وافهم كل قرار اتخذوه ليش وهكذا ولو بتقدر تحضر الميتنج كمان فائدة كبيرة في المناوبات فرصة تراجع كل الهستوري والاجزامنيشن وتثبته ، يعني لو تقرأ سيستم في كل مناوبة وتثبته وتشوف الحالة التي دخلت كيف اتعاملوا معاها وشوف الخطة العلاجية وافهمها وشوف الجرع وكذا واسأل الطبيب الذي معك عن كل شيء مش فاهم له ، لا تأخذوا هستوري واجزام وخلاص كملوا الحالة للأخير