لو سمعت الأذان… وفضلت قاعد مكانك كأنك مسمعتش حاجة، لا اتوضيت ولا صليت…
يبقى في حاجة كبيرة ناقصة جواك… مش بس في أولوياتك، لا… دي في علاقتك بربنا! 😔
عارف إيه اللي بيحصل لما تسيب الصلاة؟
يبدأ قلبك يتقل، ونفسك تضيق، وتحس إنك تايه وسط الدنيا…
تسيب القرآن… وتنسى الذكر…
وفجأة تلاقي نفسك بتشتكي من قلق وتوتر وضيق وملل…
وبتوصل لمرحلة تقول "أنا مش قادر أكمل!"
وساعات الفكرة توصل لأبعد من كده… 💔
ومع إن الحل بسيط… لكنه دايمًا بيكون بعيد عن بالنا!
ربنا قالها بوضوح:
{ومن أعرض عن ذكري فإن له معيشةً ضنكا}
يعني أي حد يبعد عن ربنا، حياته هتضيق مهما حاول يوسعها!
وفي نفس الوقت قال:
{ألا بذكر الله تطمئن القلوب}
يعني السكينة اللي بتدور عليها… موجودة! بس في ذكره 💗
مش بقولك تكون مثالي، كلنا بنغلط وبنكسل وبنتعب…
بس لازم تفوق وتسأل نفسك:
هو أنا فعلاً عامل إيه عشان أرتاح؟
✅ بتصلي؟
✅ بتقرأ قرآن؟
✅بتتكلم مع ربنا وتفضفضله؟
✅ بتفتكر إن سعادتك مش بس في الفلوس أو النجاح… بل في القرب من اللي خلقك؟
قرب من ربنا… حتى لو بخطوة صغيرة، هتلاقي الدنيا بتتغير فجأة ✨
اللهم أعنا على ذكرك وشكرك وحُسن عبادتك 🤲
6June 13, 2025 591 1
