Forwarded from(ثقلین۱)نوحه وسبک درمناسبت ها
شهادت کریم اهل بیت حضرت امام حسن مجتبی (علیه السلام )
سبک (( سینه زنی ))
@emami9910 🏴🎤
✍ حاج علی زلفی تبریزی
ای عداوت اوسته
زهر کین ایچن
ای غریب موطن
وای آقام حسن وای
نار محنته یاندون
سینه دن الولاندون
ای عزیز زهرا ای عزیز زهرا
مایه ی وجودین
دوشدی پیچ و تابه
ای منیر عالم
قویدون اوز ترابه
یاسمن کیمی سولدون
دردیله اجین اولدون
ای عزیز زهرا ای عزیز زهرا
جان ویرنده گلدی
باشین اوسته زینب
زینبه اوساعت
آگه اولدی مطلب
گوردی که سارالمشدون
اوزگه حاله قالمشدون
ای عزیز زهرا ای عزیز زهرا
وای ننه دیلونده
قلبیدن اوساندون
زینبیله باهم
قول بویون دولاندون
سسلدون غم آماجی
یاندی لبلریم باجی
ای عزیز زهرا ای عزیز زهرا
تا گوروبدی حالین
دیلده صبری گیتدی
باشین اوسته گتدی
طشتی حاضر ایتدی
طشت ایچی همان اثنا
لاله زار اولوب گویا
ای عزیز زهرا ای عزیز زهرا
تا یتوب حسینه
شرح رنج و محنت
باشین اوسته یتدی
باشدا ال او ساعت
آلدی باشین آهسته
قویدی دیزلری اوسته
ای عزیز زهرا ای عزیز زهرا
منزلی حسینون
ایتدی بیت الاحزان
ایلدی تلاوت
باشین اوسته قرآن
روحین آیریلوب تندن
دویمادی حسین سندن
ای عزیز زهرا ای عزیز زهرا
@emami9910 🏴🎤
#شهادت_امام_حسن_مجتبی
#کریم_اهل_بیت
__________________________
October 21, 2019 36 1
