Сурхондарёда мактаб директори фаррошликка ишга киритиш учун пора олаётганда ушланди
Қумқўрғон туманидаги мактаблардан бирининг директори фуқарони фаррош лавозимига ишга қабул қилиш эвазига таъмагирлик қилгани учун қўлга олинди.
Ҳолат қандай бўлган?
• Мактаб директори ўз хизмат мавқейидан фойдаланиб, фуқарони 0,5 штат бирлигида фаррош сифатида ишга қабул қилиш эвазига 1 500 АҚШ доллари талаб қилган.
• Шунингдек, у кейинчалик туман мактабгача ва мактаб таълими бўлимидаги танишлари орқали яна қўшимча 0,25 штат бирлиги чиқариб беришни ваъда қилиб, масъулларга пора бериш лозимлигини айтиб, фуқародан яна 500 АҚШ доллари сўраган.
Мазкур шахс Қумқўрғон тумани ҳудудидан ўтувчи автомобиль йўлида аризачидан кимёвий ишлов берилган 1 900 АҚШ доллари ва 1 200 000 сўм пулларни олаётган вақтида Департаментнинг Термиз шаҳар бўлими ва Сурхондарё вилояти ИИБ ходимлари томонидан ашёвий далиллар билан ушланган.
Суд мажлисида судланувчи ўз айбига тўлиқ иқрор бўлган.
eMaktabuz
📙https://t.me/kundalikbuxoro
📗https://t.me/emaktabuz
1October 7, 2026 529 4
