🇷🇺🚨Pilotsuz uçuş aparatı ilk dəfə “Qazprom”un Yamalda yerləşən zavoduna hücum edib.
Məlumata görə, Ukraynanın Yamalo-Nenets Muxtar Dairəsində yerləşən Novı Urenqoy qaz-kondensat zavoduna zərbə endirdiyi bildirilir. Obyekt Ukraynanın nəzarətində olan ərazilərdən təxminən 2500-2800 kilometr uzaqda, Rusiyanın Arktikadakı əsas qaz hasilatı bölgəsində yerləşir.
İnfoTEK-in güc strukturlarındakı mənbəsinə istinadən verdiyi məlumata görə, pilotsuz uçuş aparatı “Qazprom pererabotka” şirkətinin strukturuna daxil olan Novı Urenqoy Kondensatın Nəqlə Hazırlanması Zavoduna hücum edib.
Mənbənin sözlərinə görə, qalıqların zavodun ərazisinə düşməsi nəticəsində yanğın başlayıb və hazırda onun söndürülməsi üçün tədbirlər görülür. İlkin məlumata əsasən, xəsarət alan yoxdur.
Bundan əvvəl Ural Federal Dairəsi üzrə prezidentin səlahiyyətli nümayəndəsi Artyom Joqa Yamalda yanacaq-energetika kompleksinin obyektinə hücum cəhdinin olduğunu bildirmişdi.
Bu, Ural Federal Dairəsinin Arktika hissəsində qeydə alınan ilk belə hücumdur.
“İlkin məlumata görə, heç kim xəsarət almayıb, personal əvvəlcədən təxliyə edilib”, - Artyom Joqa bildirib.
Novı Urenqoy zavodu Yamalın ən iri müəssisələrindən biridir. Burada qeyri-sabit qaz kondensatı emal edilərək sonrakı nəql və emal üçün hazırlanır.
2024-cü ildə illik gücü 8 milyon ton xammal olan yeni UDK-1 deetanizasiya qurğusunun istifadəyə verilməsindən sonra müəssisənin ümumi istehsal gücü ildə 19,5 milyon tona çatıb.
Zavodun əsas məhsulu deetanizasiya olunmuş qaz kondensatıdır. Burada həmçinin sabit kondensat, geniş fraksiyalı yüngül karbohidrogenlər, propan və propan-butan fraksiyaları, təbii yanar qaz, qaz kondensatının yüngül distillatı, dizel və aviasiya yanacağı, eləcə də texniki qazlar - azot və oksigen istehsal olunur.
#Rusiya #Yamal #Qazprom #Dron #Energetika
September 9, 2026 136
