مسا الخير ❤️كيفكن رح نكمل بالأوراق المطلوبة 1) رسالة التوصية طبعا هي الرسالة ممكن تنطلب وممكن لا بس اذا حطيناها بدون ما تنطلب مانو غلط رح تقوي التقديم غالباً بتكون فورم معين مطبوع وخالص بالكليات هي الرسالة بتكون من العمادة بعد ما ناخدها توقيع العمادة والاسم ومنحكليهن بدنا ياها لبرا كرمال اذا بدها توقيع رئيس الجامعة بس انا اخدت معي رسالة توصية وكانت موقعة بس من العميد بكل الأحوال اي ورقة بدنا ياها منسأل مكان ما بدنا نطلعها اديش بدها وقت لتطلع لأنو في وراق بتطول لتطلع متل بيان الوضع او كشف العلامات وبعدها تصديق عادلية وخارجية طبعا اكيد ما رح ننسى الترجمة وأي ورقة بدنا نطلعها ف نطلبها خارجية حتى دفتر اللقاحات اذا طلبوه توقيع وتصديق ما رح ننسى هي الإجراءات ونحنا بالآخير كل مشفى ممكن تطلب شي معين ولكن كل شي جاهزين نساويه بس الأغلب هيك وهي الأكثر تداول والاشيع طلباً هلأ فكرة إثبات الطالب رح ابعتلك الفورم وكيف تعبوه في سؤال رح يدور ببالكن انو ايمتا نقدم عالبراكتيش؟ منقدم بنهاية الخامسة ليش؟ لأنو ما بدنا يكون في فترة زمنية كبيرة لحتى اتخرج وهاد بأثر سلبا عالقبول وما بدنا فترة قليلة لنتخرج هاد رح يكون الوقت المثالي يعني قبل 6 شهور من بداية العقد هلأ ممكن ناخد راتب ؟ اي ممكن كيف🤗 ؟ حسب كل مشفى لأنو في مشافي رح تعطيك😍 وفي مشافي لأ نحنا منراسل ومنتكل على الله 🥰
8
3
1
