ازيكم يا حبايبي ❤️
حبيت أوضح نقطة مهمة لقيت إن ناس كتير مش واخدة بالها منها 👇
بإذن الله تقفيل الأوردرات بيكون كل أسبوع يوم الخميس والجمعه
والسبت كتابه الفواتير، وبنزل تنبيه على التليجرام قبلها بيومين عشان الكل يلحق يجهز أوردره سواء فواتير شحن أو فواتير حجز.
يعني إيه فاتورة شحن؟
بعملك فاتورة، بتحولي المبلغ، وبشحنلك الأوردر خلال أسبوع ويوصل لحد عندك إن شاء الله.
طيب فاتورة الحجز؟
برضو بعملك فاتورة وبتحولي المبلغ، لكن بدل ما أشحن فورًا، بحجزلك الأوردر عندي في كرتونة لحد ما تجمعي براحتك (أسبوع أو أسبوعين أو حسب ما تحبي)، وبعد كده أشحنلك كل الأوردر مرة واحدة.
عملت النظام ده عشان ناس كتير كانت بتزعل لما تيجي تطلب بعد فترة وتلاقي أصناف ناقصة، وده طبيعي لما الأوردر يفضل مفتوح مدة طويلة.
فدلوقتي لما أعلن تقفيل الأوردرات، أي حد محتاج فاتورة شحن أو حجز يبعتلي، عشان لما تحبي تشحني يكون الأوردر كامل ويوصلك من غير نقص 💯
أهم حاجة عندي إنك تكوني مبسوطة وراضية عن الشغل ❤️ مش مجرد بيع وخلاص 🙏
1September 1, 2026 43
