اسئلة مسابقة 30 ألف معلم: post #340 — TG.ME

اختبار اليوم تخصص رياضيات السلام عليكم ورحمة الله وبركاته في ناس امتحنت وخرجت من الامتحان بالنسبة لأسئلة التخصص.... بيقولوا سهلة جدًا ... معظمها من منهج ابتدائي وأشياء بسيطة من المناهج العليا. يعني كله طالع مبسوط جدًا من التخصص وأسئلته بالنسبة للجدرات السلوكية ... طبعًا زي ما قالوا قبل كدة محتاج تركيز جدًا لكن مذكروش نوعيه الأسئلة غير أسئلة تكون إجابتها أعاني لمدة يوم أعاني لمدة شهر أعاني لمدة سنة وأنصحكم تركزوا فيها جدًا .... لأنها بتكون حاجات إيجابية وتحديد الإجابة محتاج تركيز. ال iq الناس بتشتكي منه لأنه كان جايب أسئلة قليلة من الأشكال اللي اتعودنا عليها... لكن كان جايب حوالي ٦ أسئلة اللي هي المكعب المفرود ... وتختار الشكل اللي هيكون عليه بعد طيه ... يعني بعد تركيبه....يعني المكعب مفرود وتركبه. التربوي.... جالهم نظريات وبياجية وسكنرر.... وسألهم في مراحل النمو....وحصيلة الطفل ٦ سنوات كام كلمة ومقاييس الذكاء. الانجليزي ... كان جايب تعريفات ويقول ده إيه ... أو كلمة ويطلب عكسها وكمان ....جايب كلمة ويقول زمن إيه. الحاسب.... بيقولوا سهل ...لكن خلوا بالك قبل ما تدخل تحل....لازم تختار يكون رأس السؤال عربي أو إنجليزي . بحيث يكون السؤال قدامك بالعربي . العربي ... قالوا نص ونص... جزء سهل إعراب وحاجات بسيطة وجزء تاني صعب شوية.ركزوا على تمييز العدد واللام الشمسية والقمرية والبدل الانجازات والمعلومات العامة ... قالوا للأسف كانت غير مألوفه مش فاكرين غير محور المشير طنطاوي والضبعة ومحور اللواء سمير فرج ومشروع الكوارتز معظمها محاور ورؤساء مصر.