شوف صديقي هاي مرة اني كاعد فارغ ماعندي شي واكيد كأي شاب ماعنده شي ما يروح يلعب دومنة وية أصدقائه ولا يحجي وية حبيبته ويگضي الوكت فرحت لافلاطون وكلتله خوية ليش ؟ گلي افلاطون وليش تسأل هاي شكو صلِ على النبي هو اني جايك اريد جواب عمي السلام عليكم مولانا سقراط بوية ليش؟ چان گلي: والله مادري.. بس خلينا نعرف ثنينا ليش كلتله روح انتَ ما تفيدني هو اني روحي كوة ما حاملها چان صادفني ارسطو گلي اوكف كلتله ها گلي إلى أين تسير؟ وهل تعرف لماذا تسير؟ كلتله على بختك يمعود هو اني اريد جواب الـ ليش مالتي تجي تحط براسي ثانية روح عمو روح عاد اني طبيت كهوة لان تعبوني والله وكعدت اشرب گهوة جان اشوفلك زينون الرواقي جان يگلي لا تسأل لماذا حدث الشيء بل كيف تتصرف بفضيلة حيله كتله اگلب نعمة الله هسة؟ وطلعت صعدت تكسي طلع ابيقور حط ايده عَلى رجلي وكلي... شنو رايك تلبگني؟... ها العفو لان معرفة السبب راحة للنفس وتجنب الألم كلتله اللهم صلِ على سيدنا النبي يعني انتَ تعرف ليش؟ جان گلي لا لانني لا ابحث عن اليقين المطلق بل عن راحة العقل كلتله دنزلني هنا لا اگلب السيارة بينا چان نزلني ورحت اشتري من چمبر الجكاير باكيت چان طلعلي ديكارت گلي انتَ تدخن... إذن لديك سؤال كلتله اي خوية ليش؟ كلي لانك تفكر وكونك تفكر فانتَ موجود كلتله ها افكر وموجود؟ درجعلي باقي الخمسمية لا تغلسها عاد اني مشيت شفت شوبنهاور كلي لانك تتألم والأسئلة صراخ العقل في وجه عبث الوجود كلتله يعني انتَ تعرف ليش؟ گلي لا شيء يحدث لغاية عقلية وان السعادة غياب الشقاء فلا تسأل كلتله ان شاء الله احجيلك وياه عاد اني تعبت رحت للبيت انام وكفني نيتشه وهو شايل مطرقته والسوط وكلي لأنك لا تحتمل الواقع كما هو وتبحث عن مخدر للحقيقة يعني انتَ تعرف ليش؟ كلي انا لا ابحث عن الأسباب بل انا اخلقها عاد اني فتت للبيت وبعدني ماعرف ليش عفتني؟
4
2
2
