مساء الخير طلابنا الأعزاء في جامعة التراث – المرحلة الخامسة 💚 نعرف… — Dr.Cube 5th Stage 🦷 — TG.ME

مساء الخير طلابنا الأعزاء في جامعة التراث – المرحلة الخامسة 💚 نعرف أن المرحلة الخامسة تختلف عن المراحل السابقة، مو فقط من ناحية كمية المواد، وإنما لأن المسؤولية تصير أكبر، والمواد تحتاج منكم تنظيم وتركيز أكثر، خصوصاً مع اقتراب الامتحانات والجانب السريري. أحياناً المشكلة مو بكمية المادة، وإنما بالحيرة: شنو أقرأ أول؟ شنو أركز عليه؟ وشنو الأشياء اللي فعلاً ممكن تجي بالامتحان؟ خصوصاً بالمواد الوزارية، اختلاف المصادر وكثرة المحاضرات ممكن يخلي الطالب محتار بين أكثر من ملزمة أو مصدر، ومع طول بعض المحاضرات يصير من الصعب تعرف شنو الأساسي وشنو التفاصيل اللي ممكن تأجلها للمراجعة. ولهذا، هدفنا نخلي الطريق أوضح؛ نرتبلكم المواضيع، نحدد النقاط المهمة، ونساعدكم تعرفون شلون تتعاملون ويا كل مادة بطريقة تناسبها. وبالنسبة لمادة Oral Surgery 🦷، راح يكون الشرح ويا د. فيصل، بحيث نركز على المواضيع المهمة ونرتبها بطريقة تساعدكم تفهمون المادة وتراجعوها بشكل أسهل، خصوصاً بالنقاط اللي تحتاج تركيز ومراجعة أكثر. وباقي المواد هم راح نحاول نخلي التعامل وياها أبسط، بحيث ما تبقون أمام محاضرات طويلة وتحتارون منين تبدون. لأن الدراسة بالمرحلة الخامسة مو معناها تقرأ أكثر وبس، الأهم تعرف شنو تقرأ، شلون تقرأ، وشنو تركز عليه. وإن شاء الله تكون وياكم خطوة بخطوة، حتى تدخلون للامتحانات وأنتم تعرفون بالضبط شنو المطلوب منكم. 💚🤍