باچر أول امتحان وزاري، واليوم يمكن قلوب هواي من عدنا دتدگ أسرع من العادة… أكو خوف، أكو توتر، وأكو ناس متحمسة تنتظر هاللحظة من زمان . بس تذكروا شغلة مهمة: التعب الي تعبتوه طول السنة ما راح يضيع، وكل ساعة دراسة وكل صفحة قريتوها مخزونة بعقولكم حتى لو حسيتوا هسه إنكم ناسين . لا تخافون من الامتحان أكثر من حجمه، هو مجرد ورقة حتى يبين بيها شكد تعبتوا، مو حتى يخوفكم أو يحدد قيمتكم . وإذا حسيتوا بالتوتر، رددوا: ﴿حَسْبُنَا اللَّهُ وَنِعْمَ الْوَكِيلُ﴾ ﴿رَبِّ اشْرَحْ لِي صَدْرِي * وَيَسِّرْ لِي أَمْرِي﴾ وتذكروا قول الله تعالى: ﴿فَإِنَّ مَعَ الْعُسْرِ يُسْرًا * إِنَّ مَعَ الْعُسْرِ يُسْرًا﴾ ناموا مرتاحين، وادخلوا الامتحان وأنتم متوكلين على الله، لأن الرزق والنجاح والتوفيق كله بيده سبحانه. الله يوفقكم جميعًا، ويبرد قلوبكم، ويكتب لكل واحد منكم النتيجة الي تفرحه وتفرح أهله يارب . "مو مطلوب منكم تكونون كاملين، المطلوب بس تبذلون السبب وتتوكلون على الله، والباقي كله بيد رب كريم ما يضيّع تعب أحد" وإذا حسّيتوا للحظة إن التوتر غلبكم، أو خفتوا لأنكم ناسين شي، اهدوا شوية وخذوا نفس عميق، واقروا: ﴿وَجَعَلْنَا مِن بَيْنِ أَيْدِيهِمْ سَدًّا وَمِنْ خَلْفِهِمْ سَدًّا فَأَغْشَيْنَاهُمْ فَهُمْ لَا يُبْصِرُونَ﴾ واقروا بعدها : ﴿رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِن لِّسَانِي يَفْقَهُوا قَوْلِي﴾ وتذكروا أن الله سبحانه ما يضيّع تعب عبدٍ اجتهد وسعى، وأن التوفيق مو بكثرة الخوف، التوفيق بالتوكل عليه والأخذ بالأسباب . يمكن هسه قلوبكم مليانة رهبة، لكن باچر من تطلعون من أول امتحان راح تحسون أن أصعب خطوة كانت انتظار البداية، أما الباقي فـ يمر بإذن الله . الله يفتح عليكم فتح العارفين، ويذكركم بكل معلومة تعبتوا عليها، ويجعل الامتحان أسهل مما تتوقعون، ويكتب لكم فرحة النجاح من أوسع أبوابه .
2
