بلاقي بشاشه واتحاشي القلوبهم سود وعندي قناعه... كل صاحب نعم محسود… — شعر دوبيت سوداني

شعر دوبيت سوداني@dopiet · 3.3K subscribers Open in TelegramOpen

بلاقي بشاشه واتحاشي القلوبهم سود
وعندي قناعه... كل صاحب نعم محسود
عزاز اخواني ناس حاره ورفاقتي اسود
بسود بالقوه..... عقبان بالمحبه بسود

بريد في الله ساكت.. . والنصيحه بقوله
وبأدب روحي بي سيوف الحياء المصقوله
اضاني بتابا تتصنط ......علي المنقوله
بسو القاسيه في السر وامرق المعقوله

بكظم غيظي كان لسنات حسد لسعتني
مابتعالي.... لو بالخير خﻻفي نعتني
تربيتي وعقيدتي من الظلم منعتني
بتذكر قدرة الله... ان قدرتي دعتني

مصعب ابنعوف

t.me/dopiet/68 Translate