А вот - из этой же "Службы Господу Богу нашему, в Троице славимому, в память Крещения Руси, и святому равноапостолу, великому князю Владимиру" - обращённый к св.князю седален:
(икона на фото - с южной стороны подпружной арки в нашем алтаре в Лиховом пер.)
Ка́ко похва́лим тя́, о́тче честны́й, / сла́вный в земны́х влады́цех, Влади́мире? / Ка́ко уве́ровал еси́? / Ка́ко ти́ се́рдце отве́рзеся? / Ка́ко вни́де в тя́ стра́х Бо́жий? / Ка́ко возгоре́ся любо́вию ко Христу́? / Ка́ко всели́ся в тя́ ра́зум превы́ше земны́я му́дрости, / е́же возлюби́ти Неви́димаго? / Не ви́дел еси́ Христа́, ни ходи́л еси́ по Не́м, / ка́ко учени́к Его́ яви́ся? / Отку́ду пове́я тебе́ благоуха́ние Свята́го Ду́ха? / О, ди́вное чу́до! / Ини́и ца́рие и власти́телие, / ви́дяще вся́, быва́емая от святы́х муже́й, / не ве́ровавше, но па́че на страда́ния и му́ки предава́ша и́х. / Ты́ же, блаже́нне, без все́х си́х прише́л еси́ ко Христу́, / то́кмо от блага́го смы́сла и о́стрым умо́м разуме́в, / я́ко е́сть Бо́г Еди́н Творе́ц, / и вни́де во святу́ю купе́ль. / И е́же ины́м юро́дство мни́тся, / тебе́ си́ла Бо́жия вмени́ся, // Кре́ст — ору́жие ми́ра, непобеди́мая побе́да.
3July 27, 2026 203 1
