كنت بعمل Interviews لـ 3 متقدمين على نفس الوظيفة.
نفس المؤهل.
نفس عدد سنين الخبرة تقريبا.
نفس المجال.
ونفس مستوى الشركات اللي اشتغلوا فيها قبل كده.
بس مع أول ربع ساعة ... بدأت الفروق الحقيقية تظهر.
المتقدم الأول:
أول ما دخل، سألني:
ممكن حضرتك تشرحلي الشركة دي بتعمل إيه أو بتشتغل في إيه ؟"
أتصدمت من سؤالة ...
الوظيفة معلن عنها بقالها أسبوع، والاسم واضح والويب سايت موجود، وكاتب
كل التفاصيل.
يعني داخل مقابلة مش عامل أي مجهود بسيط تعرف إحنا مين؟
كمان إجاباته كانت عامة جدًا. بيتكلم بصيغة "أنا اشتغلت كثير من غير ما يشرح عمل إيه فعلا
النتيجة ؟
طلع حافظ مش فاهم.
المتقدم التاني:
بدأ كويس جدًا، وكان شكله مرتب وكلامه لبق. لكن بعد أول سؤالين، دخل في موضوع المرتب.
هو المرتب كام ؟
وهتر دوا عليا إمتي ؟
هو الشغل من البيت ؟
الساعة كام بنخلص الشغل ؟"
كل تركيزه على حقوقه وده حقه طبعا ... بس مافيش أي اهتمام حقيقي بالدور نفسه. ما حاولش يعرف تفاصيل أكثر عن الشغل. ولا سأل سؤال واحد يوضح إنه مهتم يضيف للشركة.
النتيجة ؟
شكله متردد، وداخل يجرب حظه مش أكثر.
المتقدم التالت
الفرق بدأ من أول ما دخل
داخل مبتسم ومرتب
بدأ يعرف بنفسه بطريقة واضحة
شرحلي دوره السابق بلغة أرقام (أنا ساعدت الفريق يوصل لـ 120% من
التارجت - قللت زمن تنفيذ المشروع من (5) شهورل (4)
سألته ليه عايز تسيب شغلك ؟"، رد بمنتهى الاحترافية وقال إن هدفه يتطور ويشتغل على مشاريع أكبر.
وقبل ما نخلص سألني
إيه أهم التحديات اللي الفريق ده بيواجهها دلوقتي ؟ وإزاي الشخص اللي هينضم ليكم ممكن يساعد في حلها؟"
السؤال ده لوحده خلاني أحترمه جدا واحترم طريقة تفكيرة
النتيجة ؟
هو اللي اتعرض عليه المرحلة اللي بعد كده من المقابلات.
الخلاصة ؟
الشغل مش دايما بيروح للي عنده أقوى سيفي لكن دايما بيروح للي بيعرف يبيع نفسه صح ويفهم الشركة بتدور على إيه ويكون حاضر ومحضر وعنده هدف واضح
اللي بيستحق الشغل مش الأذكي...
اللي ببيستحق هو اللي بيعرف يقدم نفسه بذكاء.
لو أنت بتدور على شغل، حضر نفسك كويس:
اعرف الشركة
ذاكر الوظيفة
حضر إجاباتك
واسأل أسئلة ذكية
منقول
10
3
1July 5, 2025 1.3K 4
