مقارنة نفسك بناس ثانية، سواء في
نفس فئتك العمرية أو أي فئة كانت،
ظلم كبير لنفسك. لان في كل الأحوال
مفيش شخص استيعابه نفس التاني،
كل واحد موهوب في زاوية معيّنة.
وتحتاج تشق طريقك بنفسك عشان
تجد منبع مواهبك وتطور وتسعى فيه،
أما خوفك من النقد يخليك قاعد
داخل الـ Comfort Zone،
وهذا ما يوسّعش مداركك،
ولا يخليك تشوف أفكار وآراء مختلفة.
رزق الناس مش واحد:
ممكن رزقك يكون مكان شغل محترم،
أو دكتور يعلّمك،
أو صاحب ينورلك طريقك،
أو منحة دراسية،
أو Career في التدريس أو البحث… إلخ.
المهم إنك تمشي في حياتك على مراحل:
كل مرحلة تكملها وثم تنتقل
للي بعدها، خطوة بخطوة.
طوّر نفسك بالطريقة المناسبة لك أنت،
مش لازم تفتح عيادة توّا،
مش لازم تتعلم عند دكتور مشهور،
مش لازم تشتري أجهزة غالية،
ومش لازم تدير زي فلان وفلان،
إرسم طريقك بنفسك، واسعى فيه،
وخليك على يقين إن التوفيق أولًا وأخيرًا من الله عزّ وجل
د. محمد الدرناوي
