راح اصيرن مر بعد هاللحظة هاي
كافي خلص طيبنا وجادرنا هد
وراح ازعلهم شلع وافضح وجوه
من صغير القوم ونبلشها عد
صرت احسبلها اذا واحد وراي
مو نبي ولو من دبر ثوبي يُقَد
متره احنا فراشنا ننام ونكوم
نسحب برجلين خاطر ماتمد
مانحب احنا المشاكل فقره حيل
بس بعد كلشي اليصير كباله حد
جنا هاي كلوبنا تنافس حمام
صارت احجار وبعد يمكن اشد
ماتوقعنا الحقد من هيج ناس
جنا وياهم.مثل ريل وحمد
يجرَحونِ الروح.وبحجة مزاح
ماتعرفلها مزح لو يحجي جد
هي هاي الدنيا لو رايد تعيش
لازم عيونك تحط اعليها سد
عثره عثره نعيشها ولازم نكوم
من بعد الله الاخو ميصح سند
6October 24, 2025 296 3
