يا أحلى ناس،
بعرف إنو غيابي طال… وطال كتير. بس حسيت إنو صار الوقت إني إحكي كلمة من قلبي.
أنا بلشت هالقناة من حب، من شغف ما بينوصف، بفن الرقص الشرقي يلي كان بالنسبة إلي مو بس فن، هو حياة. بشوف فيه لغة، إحساس، تناغم بين الجسد والموسيقى.
نقيت المحتوى بعناية متل ما بنقي غرض عزيز، وشاركتكن كل تفصيل كنت شوف فيه لمعة جمال.
القناة من البدايات بتتعرض لتبليغات، وصارت توصلني رسائل تحبط أكتر ما تشجع. وحسّيت إنو الرسالة يلي كنت حامل فيها هالضو، بلّش يضعف نورها شوي شوي.
بدي قول لكل حدا دعمني، حبني، تفهمني، وشاركني بهالرحلة: شكرًا من القلب 💛
ولكل شخص بعتلي شي من فنه، وطلب رأيي، وشارك معي حبه للرقص: استمر، وعيش هالشي، وتذكّر إنو الرقص الشرقي مو بس هز خصر... هاد تاريخ وفن وحس عالي ما بينوجد عند الكل.
كونوا بخير، حافظوا ع ذوقكن، وللمتألقين و الحلوين ضلوا عم ترقصوا… لو حتى لحالكن، بالمراية 😌💃🏼
أنا رح ضل حب هالفن.
سلامي للجميع
147
6
6
5
4June 9, 2025 48.6K 13
