بالنسبة للطلاب المتخرجين وما يعرفون شيسوون بعد التخرج
حاليًا أنتم مطلوب منكم تستثمرون وقتكم بالتطوير الذاتي، وتقوّون نفسكم بمجالكم وتطوّرون مهاراتكم، لأن الأفضل تتجهون للقطاع الخاص وتكونون جاهزين لسوق العمل.
والقطاع الخاص بي حالتين
إذا عندك واسطة، ممكن تحصل فرصة بسهولة وما تحتاج تتعب نفسك هواي.
أما إذا ما عندك واسطة، فهنا لازم تفرض نفسك بكفاءتك وتبرز مهاراتك؛ لأن بالنهاية صاحب المستشفى الأهلي أو المركز يحتاج شخص كفوء ويعرف شغله.
لازم تكون ملم بكل الأمور المهمة بتخصصك، من الوضعيات (Positioning)، والتشريح (Anatomy)، وتقنيات التصوير، وحتى أساسيات التشخيص، حتى تكون شخص يعتمدون عليه.
ولا تعتمدون بشكل كامل على التعيين الحكومي؛ لأن التعيين مو مضمون، وعندكم هواي وقت تكدرون تستثمرونه بنفسكم.
أنتم مو بس تعبتوا 4 سنوات، أنتم تعبتوا 16 سنة دراسة، وتحملتوا الحر والبرد والضغط حتى توصلون لهنا.
فلا تدفنون كل هذا التعب بإيدكم. طوروا نفسكم، اشتغلوا على مهاراتكم، وخلو نفسكم جاهزين لأي فرصة تجيكم.
وإن شاء الله إحنا وياكم ونساعدكم بكلشي نكدر عليه ❤️
https://t.me/cv_o22
24
7August 25, 2026 1.5K 6
