आमच्यासारख्या सर्वसामान्य कुटुंबातील प्रत्येक पोरासाठी Mpsc ची परीक्षा म्हणजे आशेचा किरण असतो आणि आज आमच्या या प्रामाणिक आशेवर देखील तुम्ही लाथा बुक्क्या घातल्या..आमचं जाऊद्या ओ पण मी अधिकारी व्हावं म्हणून क्षमता नसतानाही दर महिन्याला 8-10 हजार रुपये पाठवणाऱ्या माझ्या फाटक्या कपड्यातल्या बापाचा तरी विचार तुम्ही करायला हवा होता.. तुम्ही फक्त पेपर फोडला नाहीत तर आमच्या तोंडचा घास हिरावून घेतला आहे.
खऱ्या माणसाची दुनिया राहिली की नाही हेचं कळत नाही?? आम्ही पाठीचा कणा मोडेपर्यंत कष्ट घ्यायचं आणि ऐनवेळी गडगंज बापाच्या पोरांनी पैसे देऊन नोकऱ्या घ्यायच्या??आजवर सगळं सहन केलं पण तुम्ही आमचं स्वप्न आणि पोटच्या भाकरीसोबत खेळणार असाल तर आम्ही सहन करणार नाही.
आयोगावरचा आमचा विश्वास आम्हाला परत करा.. गोरगरीब कुटुंबातील लेकरांच्या आयुष्याशी खेळण्याचा अधिकार तुम्हाला कधीही मिळणार नाही. विद्यार्थ्यांना एकचं सांगणं राहिलं की, ही परिस्थिती बदलणार आहे आणि हे दिवससुद्धा निघून जातील पण तुम्ही तुमच्या अभ्यासाशी प्रामाणिक राहा. आज जर विद्यार्थ्यांसोबत आम्ही सगळे उभे राहिलो नाहीत तर येणारी वेळ आम्हाला कधीही माफ करणार नाही.जे होईल ते सहन केलं जाईल पण या पद्धतीने पोरांच्या प्रामाणिक मेहनतीला धक्का पोहचणार असेल तर वाट्याला येईल तो संघर्ष करायला आम्ही तयार आहोत.
बाकी आम्हाला काही माहिती नाही पण पोरांचं भविष्य ज्या गोष्टीवर अवलंबून आहे ती परीक्षा प्रामाणिकपणे घ्या बस्स..!!🙏🏻
जीवात-जीव असेपर्यंत सोबत आहे❤️
@रेवण..
757
62
35
27
4
2September 1, 2026 17.5K 25
