Mouse-trap (2026)
“လူ့လက်သည်းခွံကို စားပြီး လူအသွင်ပြောင်းတတ်တဲ့ ကြွက်”
ဆိုတဲ့ ကိုရီးယားရိုးရာပုံပြင်ကို အခြေခံထားတဲ့ နာမည်ကြီး Webtoon ဟာ ဇာတ်လမ်းတွဲအဖြစ် ထွက်ရှိလာပါပြီ။ ဇာတ်လမ်းလေးဟာ လူသူကင်းဝေးတဲ့ နေရာတစ်ခုမှာ တစ်ကိုယ်တည်း အေးအေးဆေးဆေး စာရေးရင်း နေထိုင်တတ်တဲ့ ဝတ္ထုရေးဆရာ ဂျယ်မွန်းဂျယ် ဟာ မနက်ခင်းတစ်ခုမှာ သူ့ဖုန်းကို လက်ဗွေရာနဲ့ ဖွင့်လို့မရတော့သလို ကိစ္စအဝဝကို စီမံပေးနေတဲ့ တစ်ဦးတည်းသော သူငယ်ချင်းကပါ သဲလွန်စမကျန် ပျောက်ဆုံးသွားရာကနေ စတင်ပါတယ်။ ကိုယ်ဟာ ဘယ်သူဘယ်ဝါဖြစ်ကြောင်း သက်သေပြစရာ ဘာအထောက်အထားမှ မကျန်တော့တဲ့ မွန်းဂျယ် ဟာ “ကြွက်” လို့ အမည်ပေးထားတဲ့ လျှို့ဝှက်လူတစ်ယောက်က သူ့နာမည်၊ သူ့ကိုယ်ပိုင်လက္ခဏာနဲ့ စည်းစိမ်ဥစ္စာအားလုံးကို အစားထိုးအပိုင်စီးသွားတာကို သိလိုက်ရချိန်မှာတော့ သူ့ဘဝကို ပြန်လည်ရယူဖို့ လိုက်လံစုံစမ်းပါတော့တယ်။ တစ်ဖက်မှာလည်း အေးဆေးတည်ငြိမ်သလောက် အလွန်အန္တရာယ်များပြီး ငွေရရင် ဘာမဆိုလုပ်တတ်တဲ့ အကြွေးရှင်စုံထောက် နိုဂျာ ရှိနေပါတယ်။ သူ့ဆီက ငွေချေးပြီး ပျောက်ကွယ်သွားတဲ့ မွန်းဂျယ် ကို ၃ နှစ်လုံးလုံး မရမက လိုက်ရှာနေခဲ့တဲ့ နိုဂျာ ဆီ မွန်းဂျယ် ကိုယ်တိုင် ရောက်လာပြီး အကူအညီတောင်းလာတဲ့အခါ… နိုဂျာ ဟာ သူ့ငွေတွေ ပြန်ရဖို့အတွက် မွန်းဂျယ် နဲ့ မဖြစ်မနေ လက်တွဲပြီး “ကြွက်” ဆိုတဲ့ အရိပ်ဆိုးကြီးနောက်ကို အတူတူ လိုက်လံဖမ်းဆီးကြပုံကို ကိုယ်တိုင်ကိုယ်ကျ ရှုစားကြည့်လိုက်ပါဦးနော်။
t.me/hanasrupl/4545
