"محجوزين لبعض"
تكبر وتلگه نفسك بسيناريو من إعداد الأمّ والأقارب.. وإذا ما صار مثل ما يردون شنو الثمن؟!
أنفر من هيچ أفكار للأسف لا زالت مستشرية بمجتمعنا وتنغرس بعقول الأطفال، كلما شافوا طفلة يگولون للطفل: "تريدها؟"، "تاخذها؟"، "تتزوّجها؟" وغيرها من الكلمات اللي تخلّي الطفل يحسّ من هو صغير أنّه إله الحقّ يتملّك اللي يريده حتلو كان إنسان وهالإنسان بالمقابل ما إله قرار.
"گبّعها بعبايتها واخذها" هذا لسان حال بعض الجهّال للأسف الشديد، والمُرّ بالموضوع يتبرمج الطفل على هالأمر ويشغل كلّ تفكيره، ويوصل لعمر ١٥ سنة تلگاه يتصرّف بسلوكيّات مو صحيحة تحت مسمّىٰ الحُبّ، اللي هو أصلا مو فاهمه شنو!
ويتوقّع إذا گال أحبّ فلانة أو گالت أحبّ فلان معناها هُمّ كبروا وواعين وناضجين!
وهيچ تنشأ عدنه عائلات هشّة، والنتيجة ارتفاع نسب الطلاق والأطفال هم الضحايا، الأطفال الكبار والصغار طبعًا..
إجرام بحقّ الطفولة والله.
August 28, 2026 1.5K 31
