لطميات حسينيه مكتوبه: post #97 — TG.ME

قصيدة : وحي جروح أداء : مســلم الـوائـلي كلمات : كرار حسين الكربلائي ____ يحسين اخذ كل العمر . . . وأنطيني ساعة أبچيلك شمسوي بيه منحرك . . . خل منبرك يحچيلك يمعطش الماي بچي هواي . . . بالعيون لعيونك شفتك وحي جروح يمذبوح . . . ولا عيش من دونك عندي أجمل أحساس . . . حچي الناس يگولون مجنونك ربيت مجلسك دمعه . . عشگ روحي المجالس الحياة بلا بچي ظلمه . . وابد ما بيها واهس ____ شلي بعمر مابي حزن . . . يالماكو دمعه بگدك أحرمني من شم الهوه . . . ولا أنحرم من عندك خليني وياك مثل جون . . . عبد چان بخيامك وين أستحق هاي تمنيت . . . صرت گاع لجدامك اشكبرك يمولاي . . . والاملاك يخدمون خدامك متت ضامي وترويني . . نهر ماعندي غيرك عمت عيني انسلب ثوبك . . وانه مغطيني خيرك ____ يوم اليمر مابي لطم . . . ما ينحسب من عمري بصدرك سحگ حافر فرس . . . ياريته يسحگ صدري الما عنده عاشور ولا يوم . . . يمر شيب يم راسه الما مچوي بخيام حچي النار . . . فلا عاش بحساسه الما يعرف حسين حرامات . . . هوه يعيش بنفاسه وحگ شيلة بخت أمي . . اموت وما أعوفك وحگ دمعه أبوي اعليك . . أبوي الثاني أشوفك ____ أنت الاهل يا بو علي . . . يا بعد كل البيه يالماكو مثلك بالخلگ . . . يا عالم الحنيه يا واهب الجاه حسيناه . . . اشكبر صيت منطيني بشوغة رضيعك احلفك . . . الك دوم بچيني باوعلي مولاي بدونك . . . اضيعن تدريني يبيرغ هاشم العالي . . اشكبر بخته اليخدمك ملك ضيعني بين الناس . . عبد خليني يمك ____