لطميات حسينيه مكتوبه: post #89 — TG.ME

•قصيدة | عشاك الكاظم مشاية •أداء | مســلم الـوائـلي •كلمات | محمود الموسوي *** عَشَاك الكَاظْم مَشاية زَوار وشِلنَاها الرَّايَة وتعنينه إنزور الغالي . . وتعنينه إنزور الغالي *** مشاي مولاي والرايه افتخر بيها هيهات أنساك وانت الحاجه تگضيها لو جيت عالباب روحي هناك أخليها باچر تطلع زوارك يالكاظم كلهم غيره تگضي الحاجات إبابك يل بإسمك تگضي الحيره وتعنينه إنزور الغالي . . وتعنينه إنزور الغالي *** يا شوگ معشوگ دربك يرسم إزياره رايات خطوات زاير ما طفت ناره لو جاك ينخاك يأخذ منك إبشاره سجنك حريه وچفك يرسم گمره بيبانك سجداتك كلهن هيبه بيهن حاير سجانك وتعنينه إنزور الغالي . . وتعنينه إنزور الغالي *** يا حيل بالليل ساجد والضوه يطوفك نيشان سجدات صله الگيد بچفوفك قرآن سهران ترهب كلمن يشوفك راهب والضوه بعينك بچفوفك كتاب الله شمس الحريه تريدك فوگاك الگمر صله وتعنينه إنزور الغالي . . وتعنينه إنزور الغالي *** جيناك شفناك ايه من الضوه تلالي زوار ونشيل رايه بصحنك العالي ماشين وحسين غالي ونمشي للغالي أحنه الزوار المانتعب وسوينه المشي عاده فدوه لموسى إبن جعفر فدوه إنروح للساده وتعنينه إنزور الغالي . . وتعنينه إنزور الغالي *** تسبيح ونصيح للكاظم عشگ بينه خدام زوار يم گبرك تمنينه مولاي صحناك خدامك تخلينه أحنه الخدام النقرالك جرح حسين وأبياته باچر يطلع عباسك وي المهدي بريشاته وتعنينه إنزور الغالي . . وتعنينه إنزور الغالي ***