يعطيكم العافيه جميعا، ✅ هي تجربه من إحدى الزميلات لتأمين كير كونسيبت ⭐️ حبت تشاركها معنا: تجربتي مع تأمين Care Concept بالإسعاف بألمانيا 🇩🇪 كنت بزيارة بمدينة Weinheim بجنوب ألمانيا، والتوى كاحلي واضطريت أروح على الإسعاف بالمشفى. كان عندي بطاقة تأمين care concept محفوظة على Apple Wallet بالآيفون، وفرجيتهم ياها عند التسجيل. وبالمناسبة، بطاقة التأمين ممكن تنضاف كمان على Google Wallet بأجهزة أندرويد. بالبداية الموظفة استغربت شوي وسألتني إذا التأمين “Private”، وشكله ما كان مألوف إلها كثير. وقالت إنو أحيانًا بيحتاجوا ورقة أو مستند إضافي من شركة التأمين. أنا وضحتلها إنو هاد تأمين صحي وبيغطي الحالات الإسعافية، وهي كانت متعاونة جدًا. أخدت بياناتي من البطاقة ودخلت معلومات التأمين على السيستم عندهم بالمشفى. بعد ما تسجل التأمين، كملت كل الإجراءات بشكل طبيعي: - فحص سريري - Röntgen (أشعة) - تركيب Schiene (جبيرة/دعامة للكاحل) والمهم: ما دفعت أي مبلغ نهائيًا، والتأمين غطّى كل شي مباشرة. الخلاصة: إذا معك تأمين Care Concept واحتجت إسعاف بألمانيا، جرّب أول شي تعطيهم بطاقة التأمين حتى لو كانت رقمية على الموبايل. ممكن بعض الموظفين ما يكونوا متعودين عليه، لكن غالبًا بيمشي الحال بعد إدخال البيانات بالنظام. وان شاء لله معافاية يارب 🙏 ومثل أغلب التأمينات الإسعافية، Care Concept بيغطي بشكل رئيسي الحالات الإسعافية والطوارئ 🚑، وهاد الشي بيفضل يكون مذكور من قبل الطبيب المعالج 👨🏻⚕ ضمن التقرير أو الأضابير الطبية 🗂، وفينكم تحاولو تطلبوا منه يذكر هالشي 📝. ❗️طبعا العادة جرت انك تدفع اجرة المعالجه 💰 وبعدين ترفع الفاتورة لشركة التأمين لتدرسها 🔍 ويرجعولك المبلغ الي بيطلعلك، ولكن ✅ حلو الواحد يعرف انو في امكانية تكون الشركه مدمجه ضمن السيستيم بالمشافي 🏨. 🤔 وإذا ما بتعرفوا كيف تضيفوا بطاقة التأمين على Apple Wallet أو Google Wallet، علّقوا لحتى ننزلكم فيديو قصير 🎥 نشرح فيه الطريقة 🙏🏻 وبالتوفيق للجميع 🌷
5
4
1
1
1
