معضلة الحساب البنكي... 💰🏦 📣 السؤال المتكرر جدا هوه: وين افتح حساب بنكي؟ شو البنك الأفضل؟ هل بدي ملدنه؟ شو الطريقة؟ 💱 رح اعمل مقارنه صغيره بين الخيارات الأهم حاليا: بداية هون عم نحكي عن الحساب البنكي الجاري (يعني الي فينك تدخل مصاري عليه وتسحب منه) وليس الحساب المغلق (الي ما بتسحب منه على كيفك، متل فينتيبا). 1️⃣ وايز: ✅ ايجابياته: سريع الفتح (خلال نصف ساعه)، سهل التعامل جدا، لا يحتاج لملدنه، يقبل جميع الجنسيات، لا يوجد مكالمة تحقق (فقط صورة شخصيه), مزايا جيده لتنسيق الأمول وتقسيمها ضمن التطبيق، خيارات التحويل السريع للأموال، يمكن سحب ٢٠٠€~ شهريا من اي صراف في المانيا بعد طلب البطاقه، يمكن استعماله في ٩٠٪ من المعاملات في المانيا، أمن ميه بالميه، يمكن طلب بطاقة الكترونيه او حقيقيه، لا يوجد عمولة شهريه للبنك. ❎ سلبياته: طريقة التسجيل معقده (تم شرحها بالتفصيل، ابحثو عن اسمي على اليوتيوب)، امكانية ايداع الأموال الكترونيا فقط، حد السحب الشهري قليل (بعد تجاوز الحد يوجد عملوة بسيطه على السحب على ما اذكر. يمكن السحب من السوبر ماركت كميه شهريه اكبر، اسألو بأي سوبرماركت اذا عندهم هي الخدمه), عند بدأ العمل قد يطلب صاحب العمل بنكي الماني حصرا. ✳️ ملخص: اي شخص مسافر حديثا او وصل حديثا ولسى ما ملدن وما عنده شغل. سجل فورا على وايز ولا تضيع حالك اكتر. 2️⃣ ريفولوت: ✅ ايجابياته: سريع الفتح (خلال نصف ساعه)، سهل التعامل جدا، مزايا جيده لتنسيق الأمول وتقسيمها ضمن التطبيق، خيارات التحويل السريع للأموال، يمكن سحب ٢٠٠€~ شهريا من اي صراف في المانيا بعد طلب البطاقه، يمكن استعماله في ٩٠٪ من المعاملات في المانيا، أمن ميه بالميه، يمكن طلب بطاقة الكترونيه او حقيقيه، لا يوجد عمولة شهريه للبنك، حاليا صار اله فرع الماني ويقبل فيه صاحب العمل. ❎ سلبياته: يحتاج رقم هاتف (عادة) للتسجيل، حاليا لا يقبل الجنسيه السورية (الا في حالات قليله)، امكانية ايداع الأموال الكترونيا فقط، حد السحب الشهري قليل (٢٠٠€~ على ما اتذكر، وبعدها في عموله. يمكن السحب من السوبر ماركت كميه شهريه اكبر، اسألو بأي سوبرماركت اذا عندهم هي الخدمه)، يوجد مكالمة تحقق من الهويه بالفيديو. ✳️ ملخص: اذا كنت مفعله سابقا، تابع حياتك. اذا ما مسجل لسى وجوازك ليس سوري، سجل عليه او على وايز. اذا جنسيتك سوري ف ريفولوت و وايز ٩٠٪ نفس الخدمات ولهيك سجل على وايز وريح راسك. 3️⃣ شباركاسه: ✅ ايجابياته: حد سحب شبه غير محدود، امكانية ايداع الأموال الكترونيا او عن طريق الصراف، يوجد له الكثير من الأفرع، يقبل به صاحب العمل عادة. ❎ سلبياته: يوجد عمولة شهريه (بين ال ٥-١٠€)، الفروع منفصله عن بعضها (يعني اذا فتحت حسابك ب زاكسن ورحت عل نورد لتعدل بالحساب بقلولك ما النا علاقه، ولكن الصرافات في كل المانيا بتشتغل), يتطلب تحديث اوراق ثبوتيتك بشكل اكثر من البقيه، يتطلب ملدنه. ✳️ ملخص: اذا عندك ملدنه وبدك تباشر شغل وبهمك تسحب كاش، سجل عليه. غير هيك فهوه مانه اولويه ابدا. 4️⃣ باقي البنوك الإلكترونيه (ING, C24, N26, او غيرها): ✳️ ملخص: على حد علمي وبحسب تجاربي معهم، كلهم ما بيقبلو بالجواز السوري والفيزا بتاريخ اليوم. ممكن يصيرو يقبلو فيهم بالمستقبل ولكن حاليا الفروق بينهم جدا ضئيله لحتى الشخص يفكر فيهم. 5️⃣ باقي البنوك المحليه (Volksbank, Deutsche Bank, او غيرها): ✳️ ملخص: للأسف معلوماتي شوي بسيطه عنهم بعتبار ما صارتلي فرصه اتعرف عليهم اكتر وممكن يكون عمولتهم الشهريه اقل وفينكم اكيد تمرو وتسألوهم. 🧈 المختصر المفيد لكل هل علاك: 🕺💃 انت جايه جديد على المانيا ولسى ما بلشت شغل؟ افتح وايز ومع مرور الوقت بتفتح شباركاسه. 🧑🔬🧑⚕️ انت مقبل على شغل بألمانيا؟ افتح شباركاسه وخالصين. 🔑 ملاحظة مهمه: فينكم تفتحو قد ما بدكم بنوك بألمانيا وما حدا الو عليكم شي. بتمنى كون قدرت وضح شوي موضوع البنك بعتبار كتييير عم تجيني اسئله عليه. اذا في استفسارات تانيه اكيد اتفضلو. وبالتوفيق 🌷
11
