لو أنت هتبدأ السنه لسه ف لازم تبدأها صح عشان تمشي فيها صح و بشكل… — كتب ملخصات دفعه تالته ثانوي 2027 — TG.ME

لو أنت هتبدأ السنه لسه ف لازم تبدأها صح عشان تمشي فيها صح و بشكل ميخلكش تتعثر كل شويه و دا محتاج منك شويه تفكير بشكل كويس ، أول السنه أنت طبيعي هتلاقي صحابك كتير بياخدوا عند مدرسين و بيفهمو منه و الدنيا كويسه معاهم ف أنت متخليش نفسك زيهم وخلاص وأنت مش فاهم منه لإن دا هيأثر عليك طول السنه ف حاجات كتير ف اياك تغلط الغلطه دي مهما كان عشان دا مستقبلك مش لعبه تغير فيها وقت ما تحب ف اختار المدرسين من الاول كويس وحد تكون بتفهم منه و شايف انك تقدر تثبت نفسك معاه ، إنك تاخد اونلاين أو لأ بيعتمد ع إنك تقدر تلتزم و تبقي بتحل بشكل كبير ومش هييجي عليك وقت تكسل و كل حد عارف نفسه ف أنت لو شايف انك مش هتلتزم او مش هتقدر تحل بالشكل المطلوب انزل سنتر بدون ما تفكر لإن بسبب كدة ناس كتير مفكره مستواها كويس و بتيجي قدام الامتحان بتبقي كأنها اول مره تشوف امتحان ، قربك من ربنا هيخليك مُوفق في كل مسارات الحياه أيا كانت ايه هي ودي أكتر سنه كلكم عارفين أنكم محتاجين فيها التوفيق ف ع قد ما تقدر متخليش يومك يخلو من القرآن وأنك تكون بار بوالديك و تكون قريب من ربنا ع قد ما تقدر ، بلاش مراكمه دروس ابدا لإن دا هيأثر عليك نفسيا و في مستواك الدراسي ذاكر دروسك اول بأول و حل عليها برضو بكم كبير لإن نص المذاكره بتبقي الحل دي أهم حاجات تمشي عليها ف أول السنه و طبعا مش دي كل حاجة بس عشان الماسدج ميطولش ، بالتوفييق.