کراچی ءَ بلوچ آبادی روچے یک پندلے ءِ آماچ کنگ بوگ ءَ انت استانی اے رپک بلوچ ءَ ماں کراچی ءَ درآمد جوڈ کنگ ءِ شوبندی انت۔
کراچی کہ بلوچی لبزانک, بلوچ بامرد ءُ کواسانی شھر انت بلوچی لبزانک ءُ بلوچ راجدپتر ءَ کراچی ءِ آبادیں بلوچانی کرد ءَ کس نا آشنا نہ انت کہ بلوچ کواسانی ءُ لبزانکی مردمانی شھر زانگ بیت۔ استانی شوربندی ءُ پَندل ءَ کراچی ءِ بلوچ آبادیں شھراں پہ بلوچ ءَ گیش تنگ کنگ ءِ رپکاں سازگ ءَ انت ءُ بلوچ ءَ درآمد کنگ ءِ اے رپکاں دَھّکاں برجاہ انت۔
بلوچ آبادیں شھراں وانگی چاگرد ءِ چہ اُنڈالاں گوجگ ءُ نشہ ءُ سلکاریانی جاہ جوڑ کنگ ءِ پندلاں دیر انت کہ برجاہ انت اسکول ءُ کتاب جاہ ءِ بدل ءَ جنگ ءُ جدلانی انچیں درچے برجاہ بوتگ کہ بلوچ مھلوک ماں نشہ ءُ جنگ ءِ تہ ءَ گار ءُ گُمسار بہ بیت وانگی نزام پہ نام اوں کسے ءَ نہ دیستگ نہ جوانیں اسکول، نہ جوانیں کالج ءُ دانشگاھے ءِ دئیگ بیتگ ھمے اسکول ءُ کالج پہ تھنا بلڈنگ ءِ رنگ ءَ مک کنگ بوتگ انت اوں مرچی لشکر ءِ چھاونی انت یا لشکر ءَ کبزہ کتگ انت۔
بلوچ مھلوک ءَ جان سلامتی ءِ ھچ وڈیں آسراتی یے اوں نیست انچو کہ ماں بلوچستان ءَ آبادیں بلوچ پہ دانگے درمانے ءَ سرسر جناں انت ماں کراچی ءِ دابیں مزنیں شھرے ءَ اوں بلوچ مھلوک بے سر ءُ سامانی ءَ زندگ انت۔
پہ زانت شوربندی ءِ رد ءَ کراچی ءَ آبادیں بلوچانی روزیگی وسیلھاں چہ زبھر کنگ ءُ مُجتی تنگ دستی ءِ دیمپان کنگ بوتگ داں وتی ھَندی زمیناں چے دزکش بہ بیت ءُ اے شھر ءُ جاھاں در کنگ بہ بیت۔
مرچی ماں کراچی ءَ پروجکٹ ءُ مزنیں دیمروی ءِ ٹاپارانی نام ءَ بلوچ آبادی ءِ زمین ءُ جاھانی کبزہ کنگ ءُ اِد ءَ چِہ لڈ ءُ بار کنگ ءَ مجبور کنگ بوگ ءَ انت کتابجاہ ءُ وانگ جاہ لشکر ءِ چھاونی جوڑ کنگ بوگ ءَ انت دان مھلوک ترس ءِ آماچ کنگ بہ بیت ءُ زمین ءُ جاھانی سر ءَ کبزہ ءِ دیم ءَ کس توار چست کنگ ءِ اوں آٹیگ مہ دار اِیت ۔
ھمے ترس ءُ بیم ءِ دگہ درچے بلوچ آبادی ءَ بیگواہ کنگ ءُ ھما توارانی ھاموش کنگ انت کہ اے رپک ءَ جوانیں دروشمے ءَ پھمگ ءُ وتی مھلوک ءَ سرپد کنگ ءِ بودھشت دار انت ھما ورنا ھَندی آبادی ءِ بلوچ پجار ءُ ربیدگ ءَ گوں پیوست انت ءُ اے پروجکٹانی راستی ءَ جوانیں رنگے ءَ سرپد انت مرچی زورانسری بیگواہ کنگ بوگ ءَ انت بلوچستان ءِ تہ ءَ جاور ھالانی نیمون کنگ ءُ کراچی ءِ آبایں بلوچ مھلوک ءِ ترس آماچ کنگ استاں ءِ زوراکیانی یکشلیں درچ ءَ پدر کنت کہ آ کراچی ءَ بلوچ ءَ درآمد جوڑ کنگ ءِ پداں کپتگ۔
ما بلوچ راج ءَ دستبندی کنیں کہ داں اے ناروائی ءُ چیریں پندل ءَ سما بکن انت ءُ ایشی ءِ سوبمندی ءَ چہ بدار انت داں باندات ءَ بلوچ وتی ھند ءُ شھراں درآمدی ءِ زندے گوازینگ ءَ مجبور کنگ مہ بیت۔
#BalochUnderSiegeInKarachi
#EndEnforcedDisappearances
5August 22, 2026 274
