#اخبار_عالريق
◾محدش يردّ عالأخبار اللي بتحكي عن رجعة الحرب بغزة، الناس ناقصها أخبار عاطلة! بكفيها اللي هي فيه. إن شاء الله الجاي أحسن، وربنا يعوّض صبرنا خير بالدنيا والآخرة. 🙏🏻.
◾ عملية عسكرية واسعة في مخيم شعفاط و عناتا بالقدس،هاد الخبر كافي ان ما في عملية عسكرية واسعة قريبة بغزة🤝.
◾ولاد شلومو بيقولوا انهم رصدوا تجهيزات إيرانية لشن عمليات عسكرية ضدهم، الخلاصة نتنياهو هدفه ايران والضفة الغربية 👍.
◾ملادينوف بحكي إنه قدام المجتمع الدولي و ولاد شلومو ٣ خيارات:
◾الأول: يضل الوضع زي ما هو، حماس مسيطرة على أجزاء من غزة وإسرائيل مكملة حرب وقيود، وهاد حسب كلامه بطلع جيل جديد أشدّ تطرف🙄.
◾الثاني: ولاد شلومو ترجع تحتل القطاع كامل، وتتحمل الخسائر والمسؤولية، وساعتها محدش غالبًا حيموّل إعادة الإعمار👌.
◾الثالث: خطة مجلس السلام: نزع السلاح بالاتفاق، وانسحاب إسرائيلي شوي شوي، وبعدها يبدأ التعافي وإعادة الإعمار💯.
وملادينوف شايف إنو الخيار الثالث هو الوحيد اللي ممكن يزبط ويطلّع الكل من هالحفرة🙃.
◾ملادينوف: «بعيدين جدًا عن البدء بإعمار غزة»!
يا زلمة عارفين! السؤال: إنت شو ناوي تعمل ولا حتضل تعيد نفس الكلام زي الإسطوانة المشروخة؟ 😂.
◾واشنطن متضايقة من إسرائيل بسبب غزة
بحسب تقرير لـ«سي بي إس نيوز»، في استياء أمريكي من طريقة ولاد العرص بتتعامل مع ملف غزة، خصوصًا بموضوع الأمن وإعادة الإعمار. الشرطة الجديدة: واشنطن بدها قوة شرطة مستقلة عن خماش، بس بتشوف إن عدم وجود ضمانات إسرائيلية معطّل الموضوع🙂.
◾ إعادة الإعمار: ولاد شلومو لسه ما التزموا بالسماح بدخول مواد أساسية لمشاريع الإعمار، وهاد مأخّر كل شي ومخلّي الوضع الإنساني أسوأ😵💫.
◾ الغارات: أمريكا شايفة إن بعض الضربات الإسرائيلية بتتجاوز موضوع «الدفاع عن النفس»، وبدل ما تجيب استقرار، بتزيد غزة عدم أمان😶.
◾كوسوفو حتبعت بس 20 جندي لقوة الاستقرار الدولية في غزة، لدعم خطة ترامب للسلام🧐.
◾🔴 القناة 12 العبرية قالت لأول مرة من بعد 7 أكتوبر 2023، الاحتلال رح يسمح للصليب الأحمر يرجع يزور الأسرى، ابتداءً من الأسبوع الجاي😑.
◾فات ٤ شاحنات غاز ⛽.
◾لجنة التحويلات الطبية بتقول اعداد سفر المرضى من غزة تضاعفت 3 مرات بعد اعتماد سياسة تقليل عدد المرافقين😎.
◾فتح باب التسجيل للحصول على نظارات طبية من اللجنة المصرية لقطاع غزة👓 نظرة أمل 2… لأن الرؤية حق، والأمل ما بوقف.بعد نجاح الدورة الأولى وتوفير 10,000 نظارة جديدة، مكملين سوا عشان نوصل لـ 20,000 نظارة ونظرة أمل جديدة لأهلنا في غزة. ❤️🩹.
◾ أزمة الميّة في غزة بتفاقم يوم ورا يوم.. والعجز وصل لـ70%، والناس صارت خايفة من العطش.الميّة شحيحة، والاحتياج أكبر من اللي متوفر.. غزة بدها ميّة قبل ما الوضع يصير أصعب🧘.
◾توزيع قسائم شرائية بقيمة 150 شيكل على كل الأرامل من سكان تل الهوا، اللي استشهد أزواجهن من بعد سنة 2023🤠.
◾٢٠ ألف دولار بس رسوم عشان تتقدم بقائمة للانتخابات التشريعية! 😂
يعني قبل ما تسأل: «مين بدو ينتخبني؟» لازم تسأل: «مين بدع يسلفني؟» 🤦♂️.
◾مين ضل وما جرّب ترند #الثمانينات؟ 😂🥴ولا لسه مستنيين الذكريات تفضحنا؟ 😂.
◾خلاف بين حماة وكنّتها داخل أحد مخيمات النزوح، بسبب إنّ الكنّة خلعت النقاب بعد استشهاد جوزها، مع إنها حاليًا عايشة بخيمة أبوها🙄.
◾حرامية عملوا كمين لتاجر الذهب إيهاب الشبراوي عشان يسرقوه، بس التاجر قاومهم وما استسلمش، فراحوا خطّوه برجله وهربوا😑.
◾طوشة وإطلاق نار صارت قبل شوي قريب مفترق فلسطين غرب مدينة غزة.
◾للاسف صار انعدام الاخلاق و قلة التربية شي واضح بشوارع البلد💔.
◾ فش جديد ولا تغير ع الجوو لسا شوب مع قرب الخريف اللي بقيله اسبوعين 🥵.
الثلاثاء 8/9/2026
يسعد صباحكم 😘🥰😍
4September 8, 2026 1.1K
