#اخبار_عالرريق
◾الخطة الأمريكية شكلها ماشية عالورق بس… أما على الأرض، ولاد شلومو كل شوي يحطوا حجر بطريقها😯.
◾كوشنر وملادينوف بدهم يخففوا دور لايتستون، لإنهم شايفينه مساير حكومة الاحتلال زيادة عن اللزوم🤓.
◾ ولاد شلومو نفسهم بلشوا يحكوا بصراحة: مسؤولين وضباط مش عاجبهم «مجلس السلام» ولا بدهم يتعاونوا معه😶.
◾قصة المساعدات كمان معلّقة؛ لأن ولاد شلومو مقيّدين دخول المساعدات والناس وخروجهم من غزة🧐.
-◾والأدهى إنهم رافضين يدخلوا قوة الاستقرار الدولية، ومانعين آلاف الغزيين اللي اختاروهم للشرطة الجديدة يطلعوا مصر يتدرّبوا🙄.
◾والمجلس خايف بعد ما يتدرّبوا، الاحتلال يقولهم: «خلص التدريب؟ معلش… الرجعة مش إلها نصيب» بحجة الأمن🤐.
◾بدران: الحركة ماشية باتجاه إنها تسلّم سلاحها، وتسلّم إدارة غزة للجنة وطنية لإدارة القطاع😀.
◾السفير الأمريكي: «ولا حدا بحكي عن تهجير أهل غزة غصب».
يعني التهجير «بالذوق» يا جماعة 😂.
◾هآرتس قالت ولاد شلومو رافضين يتعاونوا مع «مجلس السلام»، واتفاق غزة شكله وصل لطريق مسدود😑.
◾برنامج الغذاء العالمي: تقليص المساعدات يعني حرمان 90٪ من أهل غزة، وحوالي 200 ألف بالضفة من المساعدات😎.
◾معبر رفح مفتوح اليوم الاحد في الاتجاهين👍.
◾3 إصابات جراء انهيار جدران بيت قريب من مفترق السامر بمدينة غزة😵💫.
◾جريمة قتل على طابور المي بشارع اليرموك، جمب برج التاج.. شاب قتل شاب تاني بضربة حديدة على راسه، وهرب من المكان، وقامت قوات من الشرطة بحرق خيمته بالمكان.الحدث مش مبارح بس عشان ما كان مبارح اخبار ع الريق 👌.
◾طووشة بمنطقة المينا و اصابة خطيرة 🥹.
◾نص إسرائيل شربوا من مجاري غزة…
نتنياهو: بدنا نصلّح الصرف الصحي قبل ما توصلنا النكهة كاملة 😂.
◾المبادر محمود الصوير انضرب بمحيط مطعم إيطاليانو، وبعدها سحبوا السيارة منه 🤝.
◾كميات كبيرة من الطحين خربان ومسوس كتير بالاسواق بسبب الشوب وطحين قديم مخزن بالبيوت الناس صارت تبيعه على شان تكسب سعر انتبهوا جيدا عند شراء
◾وقف عدد من مطاعم المشاوي عن الشغل بسبب غلاء الفحم بشكل كبير، بعد ما وصل سعر الكيلو لأكثر من 50 شيكل!🤔.
◾ريحة غاز قوية ومجهولة المصدر منتشرة حوالين المقوسي والنصر والشيخ رضوان ومنطقة الشفاء غرب مدينة غزة، ديروا بالكم يا جماعة😤.
◾الزمالك الملكي فاز، والريال انغلب 🧘.
◾ #فخري بيستنى الصيف يخلص لانه طق من الشوب 🥵.
◾ لسا الجو شوب 🔥.
الاحد 6/9/2026
#صبااااااااااااااح_الخيرررررررررر ياا رفاااااق 😍😘🥰.
1September 6, 2026 862
