#اخبار_عالرريق
◾ملادينوف خلال جلسة مجلس الأمن قال لأول مرة، خماش والفصايل وافقوا على تسليم سلاحهم ونقل السلطة المدنية والأمنية كاملة لإدارة انتقالية معترف فيها أمميًا😎.
◾خارطة الطريق بتشمل نزع كل أنواع السلاح في غزة، و فش أي منطقة رمادية أو فئة مستثناة👊.
◾الانسحاب الإسرائيلي حيكون على مراحل، بعد التأكد من نزع السلاح، وبشكل متبادل ومتسلسل🧐.
◾تنفيذ خارطة الطريق حيكون حسب الأداء والالتزام، مش حسب جدول زمني ثابت🧘.
◾اللجنة الوطنية لإدارة غزة بتضم مهنيين فلسطينيين مستقلين، وحتتولى إدارة القطاع خلال المرحلة الانتقالية🙄.
◾ازمة غزة مش أمنية وإنسانية وبس؛ هي كمان أزمة سياسية وحُكم، والمقياس الحقيقي للمرحلة الانتقالية هو: هل حياة الناس في غزة تحسّنت فعليًا ولا لأ 👍.
◾وزير خاارجية مصر قال ان خماش والفصائل وافقوا يسلّموا كل سلاحهم، الثقيل والخفيف😲.
◾الأمم المتحدة رفضت تهديد الاحتلال بترحيل أهل غزة من المناطق اللي بتنطلق منها الطيارات الورقية، وقالت إن تهديد الناس بالتهجير عشان أطفال بيطيروا طيارات ورق إشي مشين ومرفوض😏.
◾اسامة حمدان رجع يبيع الوهم و قال ان نهاية اسرائيل كمان سنتين 🤐.
◾النخالة تبع الجهاد الإسلاmي صحي من النوم وقال مش حنسمع كلام اسرائيل ولا كل اللي معها ومش متنازلين عن حاجة 😆😆.
◾فات ٤ شاحنات غاز ⛽.
◾معبر رفح مسكر 😶.
◾سعر شنطة المدرسة ٨٠ شيكل ،يا بلااااش😵💫.
◾اجلوا المدارس بغزة ل ١٦/٩ 🤨.
◾ كيلو الفحم طلع من ١٣ شيكل ل ٢٠ شيكل،سبحان الله 😆.
◾٨ اصابات بطوشة غرب غزة 🥺.
◾وفاة الشقيقين من غزة عبد وعمار أيوب دلول، بعد ما انهار عليهم بئر ميّة في ليبيا.الله يرحمهم ويجعل مثواهم الجنة، ويصبّر أهلهم وذويهم💔.
◾"في غزة"
كوشوكة السيارة الذايبة المستعملة والملعون ابو اللي خلفوها بـ 2000₪
الكوشوكة الجديدة نوعا ما من 8000₪ حتى 10.000₪
كوشوكة الشاحنة بـ 60.000₪😲.
◾شب شهم لقي جوال الترا حقه ١٠ الاف شيكل و رجعه لصحابه🍉.
◾إصابة عريس بجروح خطيرة خلال زفّته بغزة، بعد ما انطلق رصاص بالغلط أثناء الزفّة🙃.
◾بقلگ امطار جاية ع غزة السبت والأحد الجايين 😘.
◾ الريال فاز ،الزمالك فاز. ليلة ملكية 🥰.
الخميس 27/8/2026
#صباح_الخير
2August 27, 2026 998 1
