Эрдэм мэдэсын үдэрөөр, хүндэтэ нүхэд!📚🎭
Мүнөөдэрэй һайндэр – ганса һурагшадай, оюутадай бэшэ. Манай Буряад драмын театрта энэ һайндэр илангаяа шухала, юуб гэхэдэ энэ жэл Буряадай үндэһэн 3-дахи студиин оюутадта һуралсалай шэнэ жэл, тиихэдэ Буряадай үндэһэн 2-дохи студиин оюутадта һуралсалай хоёрдохи жэл эхиеэ абаба.
Буряад театр зүжэгүүдээ буряад хэлэн дээрэ ябуулжа байдаг дэлхэй дээрэ ори ганса. Тиимэһээ манай залуу ъхалаан театрай урлалай үндэһэн онсо шэнжые зандань үлөөхэ хэрэгыемнай саашань хүгжөөхэ, үргэлжэлүүлхэ гэжэ этигэнэбди.
Һуралсалай жэлэй эхилһэн ушараар бултаниие амаршалнабди! Эхилжэ байһан энэ жэлтнай ялас гэмэ нээлтэнүүдээр, урма зоригоор, шэнэ мэдэсэнүүдээр дүүрэн байг лэ! Һонирхол түрүүлдэг үйлэ ушаралнууд таанарые ажабайдалайтнай замаар хүтэлэг лэ, шэнэ юумэ мэдэхэ эрмэлзэл хэзээдэшье унтархагүй.
Таанарые бидэ зүжэгүүдтээ хүлеэжэ байнабди!🎭✨
1September 1, 2026 104
