🚨 በ #ኢራን ላራክ ደሴት ላይ የተሰነዘረውን ጥቃት ተከተሎ #ቴህራን በ #ዮርዳኖስ እና በ #ተባበሩት_ዓረብ ኤሚሬቶች በሚገኙ የ #አሜሪካ ጦር ሠፈሮች ላይ የአፀፋ ጥቃት ፈጸመች
ኢራን በላራክ ደሴት በሚገኙ የሮኬት ማስወንጨፊያዎቿ ላይ በአሜሪካ ጥቃት ከፈጸመች በኋላ፣ በዮርዳኖስ በሚገኙ የአሜሪካ ወታደራዊ ጦር ሠፈሮች ላይ የባሊስቲክ ሚሳይል እና በተባበሩት ዓረብ ኤሚሬቶች ላይ ደግሞ የድሮን ጥቃት መሰንዘሯን አስታወቀች።
የእስላማዊ አብዮታዊ ዘብ ኮርፐስ (IRGC) በዮርዳኖስ በሚገኙ ሁለት የአሜሪካ ጦር ሠፈሮችን ዒላማ ማድረጉንና በቴክኒክ መሠረተ ልማቶች፣ በጥገና ማዕከላት እና በተዋጊ ጄቶች ማቆሚያዎች ላይ ከፍተኛ ጉዳት ማድረሱን ገልጿል።
የዮርዳኖስ ጦር በበኩሉ ወደ ሀገሪቱ የአየር ክልል የገቡ ስምንት ሚሳይሎችን መትቶ በመጣል ጉዳት እንዳይደርስ መከላከሉን አስታውቋል።
የኢራን ጦር በሀገሪቱ መንግሥታዊ ቴሌቪዥን በስተላለፈው መግለጫ፣ የአሜሪካ ኃይሎች እና ሄሊኮፕተሮች ሰፍረው በሚገኙበት የተባበሩት ዓረብ ኤሚሬቶች አል መንሃድ የአየር ጦር ሠፈር ላይ ሌላ ጥቃት ማድረሱን ገልጿል።
የተባበሩት ዓረብ ኤሚሬቶች መከላከያ ሚኒስቴር ዛሬ ጧት ባወጣው መግለጫ፤ የጦር ሠፈሩ በሚሳይል ጥቃት ተመታ የሚሉ ዘገባዎችን ውድቅ አድረጓል።
ሆኖም የሀገሪቱ መከላከያ ሚኒስቴር ዛሬ ሰኞ ዕለት ቀደም ብሎ ባወጣው መግለጫ፣ የአየር ኃይሉ ከኢራን አቅጣጫ ወደ ሀገሪቱ የባሕር ክልል ሲቃረብ የነበረን ሰው አልባ አውሮፕላን (ድሮን) መመከቱን አስታውቋል። ሚኒስቴሩ ይህን ክስተት ከኢራን የአፀፋ ጥቃት ጋር በቀጥታ ባያያዘውም፣ የሀገሪቱ የታጠቁ ኃይሎች በከፍተኛ ዝግጁነት ላይ እንደሚገኙ እና የአየር ጥበቃ ሥርዓቶች የሀገሪቱን የአየር ክልል በቀጣይነት በመከታተል ላይ መሆናቸውን ገልጿል።
የኢራን ጥቃት የተሰነዘረው አሜሪካ ነሐሴ 24 ቀን 2018 ዓ.ም. በሆርሙዝ ላራክ ደሴት በሚገኙ ሁለት የኢራን የሮኬት ማስወንጨፊያዎች ላይ ጥቃት ማድረሷን ተከተሎ ነው።
ዋሺንግተን እንደገለጸችው የኢራን እስላማዊ አብዮታዊ ዘብ ኃይሎች የባሕር ላይ ፈንጂዎችን የተሸከሙ ሮኬቶችን ወደ ሆርሙዝ ሰርጥ ለማስወንጨፍ በመዘጋጀት ላይ ነበሩ።
የኢራን አብዮታዊ ዘብ ኮርፕስ የአሜሪካን ጥቃት «እጅግ የከፋ ስህተት» ሲል የገለጸው ሲሆን፣ በጥቃቱ የበርካታ ተዋጊዎች እና ዜጎች መገደል እና መቁሰል መከሰቱን ጠቅሶ የበቀል እርምጃ እንደሚወስድ ዝቶ ነበር።
ቴሌግራም፦
📌t.me/Brics4ethiopia
