ကျွန်တော်တို့အများစုဟာ မနေ့ကအမှားတွေကို ပြန်ပြီးတွေးနေတတ်ကြပါတယ်။… — Breakthrough Business Coaching — TG.ME

ကျွန်တော်တို့အများစုဟာ မနေ့ကအမှားတွေကို ပြန်ပြီးတွေးနေတတ်ကြပါတယ်။ "ငါအဲဒီလိုမလုပ်ခဲ့ရင်"၊ "ငါဒီလိုဆုံးဖြတ်ချက်မချခဲ့ရင်" ဆိုတဲ့အတွေးတွေက လက်ရှိအလုပ်တွေကို အာရုံစိုက်ဖို့ အတားအဆီးဖြစ်စေပါတယ်။ အလားတူပါပဲ၊ အနာဂတ်အတွက် အလွန်အမင်းစိုးရိမ်နေခြင်းကလည်း လက်ရှိအချိန်မှာ သင့်ရဲ့အာရုံကိုပျံ့လွင့်စေပြီး လုပ်နေတဲ့ အလုပ်တွေရဲ့ အရည်အသွေးကို ကျဆင်းစေနိုင်ပါတယ်။ တကယ်တော့ လုပ်ငန်းခွင်မှာ အောင်မြင်သူတွေရဲ့ လျှို့ဝှက်ချက်က"ပစ္စုပ္ပန်မှာနေတတ်ဖို့"ပါပဲ။ သူတို့ဟာ လက်ရှိအလုပ်ကိုသာ အာရုံစိုက်တတ်ကြပါတယ်။ စားပွဲပေါ်က ဖိုင်တစ်ခုကို ဖတ်နေရင် ဒီဖိုင်ကိုပဲ အာရုံစိုက်တတ်တယ်။ အစည်းအဝေးတစ်ခုမှာ ပါဝင်နေရင် ဒီအစည်းအဝေးကိုပဲ အာရုံပြုတတ်တယ်။ ဖောက်သည်တစ်ဦးနဲ့ စကားပြောနေရင် ဒီဖောက်သည်ကိုပဲ အပြည့်အဝအာရုံစိုက်တတ်တယ်။ ဒီလိုအာရုံစိုက်နိုင်မှုက လုပ်ငန်းရှင်တစ်ဦးအတွက် အဖိုးမဖြတ်နိုင်တဲ့ အရည်အသွေးတစ်ခုပါ။ ဘာကြောင့်လဲဆိုတော့ ဒီအလေ့အကျင့်က - ◾ ဆုံးဖြတ်ချက်တွေကို ပိုမိုမြန်ဆန်တိကျစေတယ် ◾ အလုပ်တွေရဲ့ အရည်အသွေးကို မြင့်တက်စေတယ် ◾ ဖောက်သည်တွေနဲ့ ဆက်ဆံရေးကောင်းမွန်စေတယ် ◾ စိတ်ဖိစီးမှုတွေကို လျော့ကျစေတယ် ဒါကြောင့် ဒီနေ့ကစပြီး သင်လုပ်နေတဲ့ အလုပ်တိုင်းမှာ"ပစ္စုပ္ပန်မှာနေပါ"ဆိုတဲ့နည်းလမ်းကို အသုံးချကြည့်ပါ။ ဖုန်းပြောနေရင် ဖုန်းပြောတာကိုပဲ အာရုံစိုက်ပါ။ အစီရင်ခံစာရေးနေရင် အစီရင်ခံစာကိုပဲ အာရုံစိုက်ပါ။ ဖောက်သည်တွေနဲ့ တွေ့နေရင် သူတို့ကိုပဲ အပြည့်အဝအာရုံစိုက်ပါ။ မနေ့ကအမှားတွေကို သင်ခန်းစာယူပြီး မေ့ထားလိုက်ပါ။ အနာဂတ်အတွက် စီမံချက်တွေချမှတ်ပြီး လက်ရှိအလုပ်ကိုပဲ အာရုံစိုက်ပါ။ ဒီနည်းလမ်းက သင့်ကို ပိုမိုထိရောက်တဲ့ လုပ်ငန်းရှင်တစ်ဦးအဖြစ် ပြောင်းလဲစေမှာပါ။ “ဦးနိုင်ဝင်းအောင်”(CEO Coach) နှင့် “Breakthrough မှ Coach များ” ရေးသားသော “အခက်အခဲကာလတွင် ဦးဆောင်ခြင်း” စာအုပ်မှ ကောက်နုတ်မှီငြမ်းဖော်ပြထားပါသည်။ #naingwinaungexecutivecoach #Breakthrough_Publishing_House #Breakthrough_Coaching_Myanmar