🩺𓂃 خلف كل منشور جميل… كاين شخص يخدم عليه من القلب 🤍
يمكن بزاف منكم يتابعوا القناة ويقراو المنشورات، يستفادوا من معلومة، يضحكوا على فعالية، ولا يلقاو كلمة تلمسهم…
بصح واش تعرفوا على الناس اللي واقفين ورا هاد المحتوى؟ 👀
اليوم حبيت نعرفكم شوية على فريق الأدمنز تاع القناة 🫶🏻
ناس من جامعات وتخصصات مختلفة، بصح جمعهم حب الطب، المعرفة، وصناعة محتوى عندو قيمة
𓂃 🩺 الـ Owner | شريفة
طالبة طب 🩺 — السنة الثالثة، وهران 🇩🇿
من نهار انتقلتلي ملكية القناة، ولات هذي المساحة مسؤولية قبل ما تكون مجرد قناة. نحاول نخليها مكان يجمع بين المعلومة الطبية، الثقافة، الدين، والفعاليات اللي تكسر شوية روتين القراية 🤍
𓂃 🩺 الأدمن السابقة | عيوش
طالبة طب 🩺 — السنة الخامسة، زيانية
كانت من الأدمنز قبل ما تنتقل ملكية القناة ليا، ومازال حضورها من ذاك لذاك يبان في القناة
خبرتها وإضافتها للمحتوى تبقى جزء من حكاية القناة وتطورها.
𓂃 🩸 Ya | الغنية عن التعريف
طالبة طب 🩺 — السنة الثالثة، الشلف
أول أدمن انضمت للقناة 🤍
آية عندها بصمتها الخاصة، خاصة في المواضيع المتعلقة بـ الطب الدموي 🩸، ومرات تتحفنا بمواضيع دينية جميلة.
وفوق هذا كامل، فعالياتها هي اللي تكسر روتين القناة وتخلي الجو أخف وأحلى 😂
𓂃 🩺 TET | حكمة في بلاصة
السلامة والبيئة بباتنة ...سنة ثانية
يتميز بمنشوراته اللي تجمع بين الطب والدين، خصوصًا الحكم الطبية ذات الطابع الديني.
محتوى يخليك تقرا المعلومة وتوقف شوية تفكر فيها 🤍
𓂃 🌿 KNO | بين الطب والتاريخ
طالبة طب 🩺 — السنة الثالثة، سطيف
منشوراتها تجمع بين قصص ومعلومات عن الصحابة وبين الحكم والمعلومات الطبية.
بصمتها مختلفة، وتزيد للقناة جانب ثقافي وديني جميل جدًا 🌸
𓂃 🩺 Hibaààa | العفوية تاع الفريق
طالبة طب سنه ثانية🩺 — وهران
إذا القروب كان ساكت شوية… استناو هيبة 😂
عفوية، خفيفة، ومن ذاك لذاك تدخل تنشط القروب وتبدل الجو.
وجودها ماشي غير منشورات… حتى الحضور وحدو عندو تأثير 🤍😂
𓂃 📚 Pearl | المعلومة اللي تستاهل الحفظ
طالبة طب سنة اولى🩺 — مستغانم
منشوراتها من النوع اللي تقراها وتقول:
"أوووه! هذي أول مرة نعرفها!" 👀
معلومات طبية وثقافية رائعة، مرتبة ومفيدة وتزيد قيمة حقيقية للمحتوى
𓂃 🧪 Àzøuu | المخبري اللي ما يرحمش
طالب شبه طبي 🧪 — تخصص التحاليل المخبرية
الـــمخبري تاعنا 😂سنه ثالثة بقسنطينة 🤍
ما تعرفش إمتى يطلعلك بكويز، سؤال، ولا معلومة تخليك تراجع اللي قريتو كامل ليلة الامتحان 😭😂
وجوده زاد للقناة جانب مهم متعلق بالتحاليل والمخبر، ودائمًا عندو طريقة تخليك تشارك وتتفاعل.
𓂃 🩺 Phoenix | القادم بقوة 👀
طالب طب 🩺 — السنة الخامسة، وهران
مازال جديد نسبيًا مع الفريق ويحاول يتأقلم مع جو القناة 😭😂
نستناو نشوفو واش مخبيلنا في جعبتو، وعندنا إحساس بلي القادم أحسن 👀
━━━━━━━━━━━━━━
🤍 وفي الأخير…
مختلفين في الجامعات والسنوات والتخصصات، بصح يجمعنا هدف واحد:
نقدمو محتوى يستاهل وقتكم، وكل واحد فينا يخلّي بصمتو الخاصة. 🩺📚
𓂃 فريق واحد… بصمات مختلفة… وحب واحد للمعلومة. 🤍
ومتنسوش تشجعو الأدمنز تاعنا بكلمة طيبة ودعوة حلوة، فكل منشور وراه وقت ومجهود من القلب. 🌷
