BGmedia: новости — 2026

29 жніўня 1974 года здарылася авіяцыйная катастрофа ў раёне пасёлка Ружаны Пружанскага раёна Брэсцкай вобласці праз сутыкненне двух верталётаў Мі-4.

У той дзень другая эскадрылля 225-га асобнага верталётнага палка адпрацоўвала на Ружанскім палігоне групавыя дзеянні з мэтай падрыхтоўкі да будучых вучэнняў.

Паводле афіцыйнай версіі, падчас палёту ў страі камандзір аднаго з верталётаў Мі-4 АВ лейтэнант Мікалай Трушын выканаў памылковы манеўр (памылка ў дагоне і прыстройванні да пярэдняй пары верталётаў), што выклікала сутыкненне верталётаў на вышыні 50 м. Паводле іншых звестак, вядучы другой пары верталётаў не паспеў адрэагаваць на рэзкі манеўр пярэдняй пары і сутыкнуўся з пярэднім верталётам.

Абодва верталёты ўпалі на зямлю ў раёне мэт для бомбакідання, усе члены экіпажаў (6 чалавек) загінулі. Камандзірам другога верталёта быў лейтэнант Віктар Есін.

29 жніўня 1617 года памёр староста брэсцкі, ваявода мсціслаўскі і кашталян віленскі ў часе ВКЛ Геранім Хадкевіч.

Удзельнічаў у войнах з Маскоўскай дзяржавай і Швэцыяй. У часе рокашу Зэбжыдоўскага (1606—1609 гг.) забяспечыў каралю і вялікаму князю Жыгімонту Вазе падтрымку ў ВКЛ.

У 1616 годзе быў абраны на Варшаўскім сойме ўпаўнаважаным па адмежаванні Падляскага ваяводства ад ВКЛ на карысць Польшчы. У 1617 годзе суправаджаў князя Уладзіслава ў яго экспедыцыі ў Маскву аж да Кшэменца.

Геранім быў дабрачынцам ордэна бернардынцаў у Вільні і езуітаў у Брэсце.

Па адной з версій пахавалі Гераніма Хадкевіча ў Брэсце.

Чаму ў Дзяржынску знайшлі 574 тысячы рублёў на помнік беларускай жанчыне, але не на захаванне царквы XIX стагоддзя?

У Дзяржынскім раёне амаль 574 тысячы рублёў выдаткуюць на помнік беларускай жанчыне, пакуль гістарычная царква ў Старынках чакае зносу.

Чытайце далей на сайце BGmedia.

Не працуе спасылка? Чытайце тут:
https://d1wncejpw5hw4f.cloudfront.net/news/ne-znajszli-hroszaj-na-zahavanne-czarkvy/

📻 «Год беларускай жанчыны ва ўсёй красе»: беларускі абмяркоўваюць сэксісцкі жарт у эфіры брэсцкага радыё.

Жарт у эфіры брэсцкага радыё пра жанчыну і бытавыя абавязкі выклікаў абурэнне ў беларусак. Карыстальніцы таксама прыгадалі спрэчны гумар ад іншых радыёстанцый.

Чытайце далей на сайце BGmedia.

Не працуе спасылка? Чытайце тут:
https://d1wncejpw5hw4f.cloudfront.net/society/abmyarkouvayuc-seksisczki-zhart-u-radyyo/

Амаль 9 тысяч рублёў спагналі з вінаватых у падзяжы жывёлы на Шклоўшчыне.

На Шклоўшчыне за падзеж васьмі галоў маладняку з шасці работнікаў сельгаспрадпрыемства спагналі амаль 9 тысяч рублёў. Гэта не першы падобны выпадак у вобласці.

Чытайце далей на сайце BGmedia.

Не працуе спасылка? Чытайце тут:
https://d1wncejpw5hw4f.cloudfront.net/news/spagnali-z-vinavatyh-u-padzyazhy-zhyvyoly/

28 жніўня 1905 года ў Камянцы (сёння Брэсцкая вобласць) нарадзіўся Фёдар Дарашэвіч.

Вучыўся ў Омскім мастацка-прамысловым вучылішчы імя Урубеля (1925–1929), а ў 1938 годзе скончыў Інстытут жывапісу, скульптуры і архітэктуры імя Рэпіна ў Ленінградзе.

У 1938–1941 гадах выкладаў у мастацкім вучылішчы. Падчас вайны працаваў у агітмайстэрні ў Пермі, разам з уральскімі мастакамі ствараў агітплакаты і індустрыяльныя пейзажы. З 1951 года жыў у Мінску, у 1960–1966 гадах выкладаў у Беларускім тэатральна-мастацкім інстытуце.

Дарашэвіч быў аўтарам пейзажаў, партрэтаў і тэматычных карцін. Яго працы «Пасля працы» (1954), «Пошта прыйшла» (1960), «Дарожнікі» (1977), а таксама палотны ваеннай тэматыкі «1941 год» (1967), «Голас з Вялікай зямлі» (1972) сталі адметнымі ўзорамі беларускага мастацтва ХХ стагоддзя. Асобнае месца ў яго творчасці займалі краявіды Камянца і Белавежскай пушчы.

Памёр 23 снежня 1986 года.

Творы мастака захоўваюцца ў Нацыянальным мастацкім музеі Беларусі, Музеі сучаснага выяўленчага мастацтва ў Мінску, Брэсцкай крэпасці-героі, а таксама ў музеях Полацка, Пярмі і іншых гарадоў.

У яго гонар у Камянецкім раёне праводзяцца мастацкія пленэры, а ў Мінску арганізоўваліся выставы жывапісу і графікі мастака.