(﷽)
خدمة محبي باسم الكربلائي تقدم:
📜:يا سلطان الروح
✒️:سيد رفعت الصافي
📅:ليلة 30 صفر 1448 هـ
🕌:العتبة الرضوية المقدسة
🎶طور:#أوتار_التكبير #آنه_أم_الرواي
https://t.me/m7bebasim/61159
يا سلطان الروح مجنونك مجنونك
فدوة عيوني اتروح لعيونك لعيونك
عَاش من شاف نور الله وجلاله
جيت بحماك ياحامي الغزالة
▪️▪️▪️▪️▪️
من العراق لمشهدك
ابچي وارسم مرقدك
بالمشاعر
بالأرض لو بالفضه
بوصلة روحي الرضا
من اسافر
يا ملاذي بلا منع
رخصة العاشگ دمع
مو تذاكر
راحة نفسية لمن
ساعة أگعد بالصحن
وليك اناظر
باستشهادك جيت
يالضامن يالضامن
من مصاب احسين
للثامن للثامن
آه وحسين هنياله البچاله
جيت بحماك ياحامي الغزالة
▪️▪️▪️▪️▪️
قصة اوداعك ألم
بيها حرگة من الخيم
والضعينة
قبل ساعة من الأجل
غربة وحدك والأهل
بالمدينة
مايجون اشتنتظر
چبدك بسم الغدر
امگطعينه
عينك تصد هاملة
للنجف ولكربله
شگد حزينه
بعينك موج الشوگ
متزاحم متزاحم
مشتاگ لبغداد
للكاظم للكاظم
هاي دمعات عينك لو رسالة
جيت بحماك ياحامي الغزالة
▪️▪️▪️▪️▪️
بآخر انفاسك چنت
صوب زينب تلتفت
وابمرارة
اتذكرتها امنِ انولت
لو على التل اوچبت
يا خسارة
من سبوها واركضت
لو على الهزلة اركبت
اوية الأسارى
ساعد الله حالتك
حين تذكر عمتّك
والغيارى
تهضم اخت حسين
مچتوفه مچتوفه
من طبت للشام
والكوفة والكوفة
ذيع شكواك يم رب الجلالة
جيت بحماك ياحامي الغزالة
▪️▪️▪️▪️▪️
بموتك الشامت فرح
يمثل ووجهه انفضح
من لثامه
لاعشيرة ولاهلك
واليشيعك قاتلك
بابتسامة
لا اخت يمك اجت
ولا على نعشك بچت
شهالظلامة
والجواد اتعنى لك
بالمدامع غسلك
وبكلامه
يالمدفون ابطوس
يالغالي يالغالي
تاج وفوگ الروس
للتالي للتالي
شيل يمناك وادعي الله بكماله
جيت بحماك ياحامي الغزالة
▪️▪️▪️▪️▪️
بنو العباس اشكثر
ابظهرك اتفقوا غدر
وابصلافه
رادوا ايطيح الجبل
وانت ابن خير العمل
يا خلافة
فارس وماتنگحم
وصفت أهل الحكم
بالخرافة
للأسف دوم الجهل
يدعم اصحاب الفشل
يا حسافة
بس وين المأمون
واحفاده واحفاده
وگبرك ملهم صار
للقادة للقادة
صار مقياس للدين ورجاله
جيت بحماك ياحامي الغزالة
▪️▪️▪️▪️▪️
يوجد ابمشهد گبر
ازيارته اتطول العمر
ما يجامل
اليوگف اباب الحرم
من الرضا يشبع كرم
ابلا مقابل
عمره ما يخلف وعد
ينطي للعاقر ولد
خيره نازل
ايزور لِيزورة صدگ
بالشدد من يختنگ
هو گايل
يا قاضي الحاجات
اگضيها اگضيها
شيعة اهل البيت
احميها احميها
باب معروف ما خاب الـ اجاله
جيت بحماك ياحامي الغزالة
▪️▪️▪️▪️▪️
عظم الله الأجر
للإمام المنتظِر
بهالمصيبة
عمرة خلّص بس بچي
ابصدره مخنوگ الحچي
واشيجيبه
وحدة ينصب مأتمه
ويبتديه ابفاطمة
وبالغريبه
الله يجبر خاطره
كل دقيقة ابمگبره
يا نحيبه
ياساعة ويايوم
يلفينه يلفينه
الثار الثار الثار
مهدينه مهدينه
سيف مذخور من اجل العدالة
جيت بحماك ياحامي الغزالة
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻 Facebook
https://facebook.com/m7bebasim
📷 Instagram
https://instagram.com/m7bebasem
💠 Telegram
https://telegram.me/m7bebasim
📝 Telegram (للقصائد المكتوبة)
https://t.me/bassempoems
📱 WhatsApp (للقصائد المكتوبة)
https://whatsapp.com/channel/0029Vb8bYJ4DTkKCXJdAJl0r
📲 WhatsApp (للتواصل)
🇱🇧 +96170873295
🇮🇷 +989371659815
💠خدمة محبي باسم الكربلائي💠
13
6August 15, 2026 3.8K 52
