(﷽)
خدمة محبي باسم الكربلائي تقدم:
📜أستأذنك يا سلطان
✒️:علي السقاي
📅:ليلة 29 صفر 1448 هـ
🕌:العتبة الرضوية المقدسة
🎶طور:#مهمومة_هالليلة_الروح
https://t.me/m7bebasim/61135
أستأذنك يا سُلطان
جيت اَنعي سيْد الأكوان
الليله ابمُصيبة جدّك
إحسبني دِعبِل عندك
جيت اَنعي سيْد الأكوان
▪️▪️▪️▪️▪️
رَؤوف اْو دعوتك ليّه
بعض من فائض الرأفه
عَليّه المِنّه أقبلها
اْو أجيك اِلمشهد ابلهفه
اِلجلالك طأطَئِت راسي
اْو خذتني ابهيبتك رَجفه
الذهَب مايشغل اعيوني
الشغلني اِمْن الذهَب أصفه
ما مِلتفِت للعُمران
تركيزي بس يمّك چان
مَحني اِعله عِتبة مجدك
إحسبني دِعبِل عندك
جيت اَنعي سيْد الأكوان
▪️▪️▪️▪️▪️
اِبرحاب السَّلطنه العُظمه
الخلائق كون تتأدّب
الأدَب واجب أخَفْض الصوت
بس الإمتثال اَوجب
اِبنعي كون اَمتثل أمرك
أصيح اْو أنشد اْو أنحب
إلك أرثي رسول الله
إلك بحروفي أتقرّب
صوتي اعتله ايسلْم اعليك
ابذكرى الرسول ايعزّيك
شعر الرثاء اينشدك
إحسبني دِعبِل عندك
جيت اَنعي سيْد الأكوان
▪️▪️▪️▪️▪️
ابصفر بالثامن اْو عشرين
أرجو يالرضا اِتسجِّل
إجيتك أنشِد اَبياتي
مثل ما أنشَدَك دِعبِل
ابصعود المصطفى اِلربّه
نوايب هالدهر تنزِل
أنا لو مالتقيّه چان
عنِ السّم أحچي واَسترسِل
واَذكر جميع الأسماء
والشاركوا بالأرزاء
يالوارثه ابسَم چبدك
إحسبني دِعبِل عندك
جيت اَنعي سيْد الأكوان
▪️▪️▪️▪️▪️
الأدب والإمتثال اهنا
ابطاريّه إلي تذكار
الخميس اِنهتكت الحُرمه
رَزيّه ابحضرة المختار
طُلب جدّك حِبر واكتاب
واتعاله اللّغَط بالدار
لا خلّوا أدب بيها
ولا حتى اِمتثال اْو صار
عندك علم بالأسباب
ليش اگلبوا عالأعقاب
وانته التعلِّم عبدك
إحسبني دِعبِل عندك
جيت اَنعي سيْد الأكوان
▪️▪️▪️▪️▪️
ألا يا ساعد الله اهناك
گلْب المصطفى اليصبُر
اعله مَرأى اْو مَسمع ابداره
يگولون النبي يهجُر
طِرَدهُم جدّك اْو هـٰذي
اِبمعانيها إذا ننظُر
الطَّرِد مَـيخص حدود الدار
الطَّرِد للآخره يعبُر
رحمة الرب الرحمٰن
مِتمَثِّله ابهالإنسان
لَيحطني الله اِبطَردك
إحسبني دِعبِل عندك
جيت اَنعي سيْد الأكوان
▪️▪️▪️▪️▪️
ابمُصيبة جدّك اشأحچي
يَلنّك أعلم اْو أدره
محمّد من غُمض عينه
تماوج عالم القُدره
حقيقه مو مجازاً هاي
اْو حقيقه الثانيه الكُبره
اِثنين اْو ماتوا ابلا موت
علي وي فاطمه الزهره
ذاهل نِظرهم عزريل
ابمدمعهم اَرواح اِتسيل
عُذراً أهيّج وَجدك
إحسبني دِعبِل عندك
جيت اَنعي سيْد الأكوان
▪️▪️▪️▪️▪️
عگب جدّك مصير الناس
صار ابمُفتَرَق دربين
درب للسلطه والكرسي
اْو درب للغسل والتكفين
اْو حديث المَروي عن جدّك
جَلي اْو لا حاجه للتبيين
البشر لو تسلك ابوادي
إسلك وي ابو الحسنين
گال النبي يا عمار
إگصد علي اْو لا تحتار
اْو أجدامي طاعه اتگصدك
إحسبني دِعبِل عندك
جيت اَنعي سيْد الأكوان
▪️▪️▪️▪️▪️
هادي من بعد هادي
وانتم ناطق المُحكم
العروه الوثقه معناكم
اْو خاب البيها ما يلزم
جريمه ابحق إلـٰه الكون
الجره اعليكم ابسيف اْو سَم
منازل للوحي قُفرَت
غدت مَسكن الهم والغم
إلكم مدارس آيات
ما تخله من تلاوات
لاچن خِلت من بعدك
إحسبني دِعبِل عندك
جيت اَنعي سيْد الأكوان
▪️▪️▪️▪️▪️
#اللهم_عجل_لوليك_الفرج
◇◈◇⇩..تابعونا..⇩◇◈◇
💻 Facebook
https://facebook.com/m7bebasim
📷 Instagram
https://instagram.com/m7bebasem
💠 Telegram
https://telegram.me/m7bebasim
📝 Telegram (للقصائد المكتوبة)
https://t.me/bassempoems
📱 WhatsApp (للقصائد المكتوبة)
https://whatsapp.com/channel/0029Vb8bYJ4DTkKCXJdAJl0r
📲 WhatsApp (للتواصل)
🇱🇧 +96170873295
🇮🇷 +989371659815
💠خدمة محبي باسم الكربلائي💠
16
5August 13, 2026 4.1K 35
