प्रति, मा. परीक्षा नियंत्रक (COE) महोदय, महाराष्ट्र आरोग्य विज्ञान… — BAMS GALLERY:) — TG.ME

प्रति, मा. परीक्षा नियंत्रक (COE) महोदय, महाराष्ट्र आरोग्य विज्ञान विद्यापीठ, नाशिक. विषय: अंतिम वर्ष BAMS (2021 बॅच) – Summer 2026 Phase III Theory Examination मधील कायचिकित्सा पेपर II ची प्रश्नपत्रिका NCISM निर्धारित अभ्यासक्रमानुसार नसल्याबाबत निवेदन. मा. महोदय, आम्ही अंतिम वर्ष BAMS (2021 बॅच) चे विद्यार्थी असून, दिनांक 3 ऑगस्ट 2026 रोजी घेण्यात आलेल्या Summer 2026 Phase III Theory Examination मधील कायचिकित्सा पेपर II संदर्भात ही बाब आपल्या निदर्शनास आणून देत आहोत. सदर प्रश्नपत्रिकेतील SAQ विभागामध्ये 5 प्रश्न तसेच LAQ विभागातील 1 प्रश्नामध्ये विद्यार्थ्यांना निदान, रूप, पूर्वरूप तसेच संपूर्ण निदानपंचक यासंबंधी प्रश्न विचारण्यात आले आहेत. मात्र, विद्यार्थ्यांच्या निदर्शनास आलेल्या NCISM निर्धारित अभ्यासक्रमानुसार, संबंधित घटकासाठी खालील बाबींचाच स्पष्टपणे समावेश आहे: व्याधी... 1. संप्राप्ती विघटन 2. चिकित्सा सूत्र 3. चिकित्सा 4. औषध योग 5. पथ्यापथ्य वरील निर्धारित अभ्यासक्रमामध्ये निदान, रूप, पूर्वरूप किंवा संपूर्ण निदानपंचक यांचा स्पष्ट समावेश नसताना सदर घटकांवर प्रश्न विचारण्यात आल्याने विद्यार्थ्यांमध्ये संभ्रम व चिंता निर्माण झाली आहे. विद्यार्थ्यांनी परीक्षेची तयारी ही NCISM द्वारे निर्धारित अधिकृत अभ्यासक्रमाच्या आधारे केली असल्याने, अभ्यासक्रमाबाहेरील घटकांवर प्रश्न विचारले गेल्याने त्याचा विद्यार्थ्यांच्या शैक्षणिक मूल्यमापनावर प्रतिकूल परिणाम होण्याची शक्यता आहे. तसेच त्यामुळे विद्यार्थ्यांचे शैक्षणिक नुकसान होण्याची भीती निर्माण झाली आहे. त्यामुळे, आम्ही सर्व अंतिम वर्ष BAMS (2021 बॅच) च्या विद्यार्थ्यांच्या वतीने नम्र विनंती आहे की, सदर प्रश्नपत्रिकेची NCISM निर्धारित अभ्यासक्रमाच्या अनुषंगाने योग्य ती तपासणी करण्यात यावी आणि विद्यार्थ्यांवर कोणताही अन्याय होणार नाही यासाठी आवश्यक ती योग्य कार्यवाही करण्यात यावी. तसेच, आगामी विद्यापीठ परीक्षांच्या प्रश्नपत्रिका NCISM द्वारे निर्धारित अधिकृत अभ्यासक्रमाच्या कक्षेतच तयार करण्यात याव्यात, जेणेकरून परीक्षा प्रक्रियेत न्यायता, पारदर्शकता व विद्यार्थ्यांना समान संधी सुनिश्चित होईल. विद्यार्थ्यांच्या या न्याय्य शैक्षणिक मागणीचा विद्यापीठ प्रशासन सकारात्मकपणे विचार करून योग्य ती कार्यवाही करेल, असा आम्हाला विश्वास आहे. धन्यवाद. आपले विश्वासू, अंतिम वर्ष BAMS (2021 बॅच) चे विद्यार्थी महाराष्ट्र आरोग्य विज्ञान विद्यापीठ, नाशिक