Forwarded from💻کمپیوټر ساینس Computer Science 💻
فنلنډ د برېښنا په نړۍ کې یو لوی بدلون پیل کړی دی. هلته داسې نوی سیستم جوړېږي چې برېښنا به بېله پلګ او تارونو، د هوا له لارې لېږدوي. هغه څه چې پخوا د کیسو او خیال برخه وه، اوس په عملي ازموینو کې دي. دا ښيي چې کېدای شي په راتلونکي کې برېښنا بېله فزیکي نښلونکو وکارول شي. له سل کلونو ډېر وخت راهیسې برېښنا په تارونو او شبکو ولاړه وه. خو د فنلنډ دا نوې لاره دا دود بدلوي. په دې سیستم کې ځانګړي برقي څپې کارول کېږي چې برېښنا په خوندي ډول له لېږونکي څخه تر اخیستونکي رسوي. دا یو نوی فکر دی چې ښايي د انرژۍ د وېش راتلونکی بدل کړي. ښه ده چې فنلنډ د بېتاره برېښنا لري، خو پوښتنه دا ده: ایا زموږ او ستاسو برېښنا به په دې سخت ژمي کې لږ تر لږه اته ساعته راشي؟
January 27, 2026 124
