﴿ قَدْ أُوتِيتَ سُؤْلَكَ يَا مُوسَىٰ ﴾
الحمد لله ♡
العمر فيه يكون مجرد رقم.. بس الأكيد مو بالطب !
سنين الطب كانت صحتنا وعافيتنا
هي كل التنازلات يلي قدمناها
هي تعب الطريق وغربة الأهل
شعور الخوف بأول سنة ..
ومشاعر النهايات بآخر سنة
هي السهر ودموع ليلة الامتحان
لحظات الضعف الكتيرة واليأس
وهي الدعاء والدعاء
والصبر الصبر
والكتيررر من المعارك الخفية
معارك انتصرنا فيها
معارك هُزمنا فيها
معارك ضلت النتيجة مجهولة فيها
بس مو مهم..
المهم أنه نجونا بلطف من الله
و النجاة هون هي أنسب كلمة للتعبير عن واقعنا
المهم هو الرضا
الرضا عن مكاننا
الرضا عن أثرنا بهالمكان
الرضا بكل شي قدّره الله النا
والأهم من كل هاد
لساتك إنسان سوي !
سوي لدرجة ..
قادر تتمنى الخير للكل رغم كل الملوثات يلي تعرضتلها
قادر تساعد غيرك رغم كل المغريات إنك ما تساعد
قادر تكون سوي.
الطب مؤذي صح .. بس كمان مانه سبب كافي لأكرهه
و رغم هالشي بحب معذّبتي متل ما بيقولوا
ومو لأنه بحب عاني لا،
" فلا مجد في كونك تعاني " ..
بس وجدت رسالتي هون
وعرفت أنه هاد هو المكان يلي رح افتخر بنفسي فيه ‐ الحمد لله ‐ بأي نسخة منها و بأي مرحلة..
وطالما النية خالصة لوجهه الكريم، فالمقابل رح يرضيني كتير.
لهيك العمر مانه مجرد رقم بالطب ..
ويعزّ علي اختزل حتى لحظة وحدة من لحظاتي بهالكلية؛ لأنها كانت من عمري.
عقبالكم 🤍
64
11
2
1August 30, 2026 439 5
