Arakan Princess Media: post #25691 — TG.ME

Arakan Princess Media@arakanprincess · 19K subscribers Open in TelegramOpen

t.me/arakanprincess/25691

9

October 9, 2026 2.1K

More from this channel

သာလီစွ မိုးထဖက်ပါ.... ရက္ခိုင်သက္ကရာဇ် ၁၃၈၈ ခုနှစ်၊ ဝါကျွတ်လဆန်း (၂) ရက် ၊ ခရစ်နှစ် ၂၀၂၆ ခုနှစ်၊ အောက်တိုဘာလ ( ၁၃ ) ရက်၊ Arakan Princess Media ၏ မိုးထဖက်သတင်းအစီအစဉ်တိကို တင်ဆက်ထုတ်လွှင့်ပီးလိုက်ပါရေ။ ဒေနိ မိုးထဖက်အစီအစဉ်မာ မျိုးမြတ် နန့် မိခိုင်ဌေး ရို့ကသတင်းတိကိုတင်ဆက် ပီးထားကတ်စွာဖြစ်ပါရေ။ ဒေနိ မိုးထဖက်အစီအစဉ်မာ နားထောင်ကတ်ရဖို့ သတင်းတိကတော့ခါ -------- (၁) အာရက္ခဒေသမာ ယာဥ်အန္တရာယ် ကင်းယှင်းရီး တစိုက်မတ်မတ် ဆောင်ရွက်လို့ဟိရေ သတင်းနန့် (၂) စိုက်ပျိုးရီးနန့် မွီးမြူရီးဌာန၊ လက်အောက်ဟိ စိုက်ပျိုးရီးဌာနခွဲ၊ မွီးမြူရီးဌာနခွဲနန့် စက်မှုလယ်ယာဌာနခွဲ၏ မြို့နယ်ရုံးတိမာ လစ်လပ်ရာထူးတိအတွက် ဝန်ထမ်းခေါ်ယူ ရေပြည်တွင်းသတင်း အပါအဝင် တခြားထူးခြားရေ ပြည်ပသတင်းတိ နန့် အားကဇတ် သတင်းတိကို တင်ဆက်ပီးထားပါရေ။ Arakan Princess Media ကထုတ်လွှင့်နီရေ အစီအစဉ်တိကို Telegram Channel အပြင်YouTube ,Facebook ရို့မာဝင်ရောက်နားထောင်နိုင်ပြီးကေ မြီပြင်မာ လီလှိုင်းထက်ကလည်း FM Frequency 90.30 MHz က ဖမ်းယူနားထောင်နိုင်ပါရေ။ Arakan Princess Media ၏ အစီအစဉ်တိကို နိစဉ် မိုးထဖက် (၈) နာရီနန့် ညဇာဖက် (၈) နာရီမာ ပုံမှန်ထုတ်လွှင့် တင်ဆက်ပီးနီပါရေ။ အာရက္ခပြည်သူ ပြည်သားရို့အားလုံး ဖီးအန္တရာယ် ကင်းဝီးကတ်ပါစီ။ #APM # အာရက္ခမင်းသမီးသတင်းမီဒီယာ #APMFM =============== YouTube Link: https://www.youtube.com/channel/UC2pqSWqtEsKY1Cxh-u-KelQ Telegram Channel Link: https://t.me/arakanprincess 1.2KOct 13 ရက္ခိုင်သက္ကရာဇ် ၁၃၈၈ ခုနှစ်၊ ဝါကျွတ်လဆန်း (၂) ရက် ၊ ခရစ်နှစ် ၂၀၂၆ ခုနှစ်၊ အောက်တိုဘာလ ( ၁၃ ) ရက်၊ Arakan Princess Media ၏ မိုးထဖက်သတင်းအစီအစဉ် 1.1KOct 13

Photo 1.5KOct 12 စပိန်-လာလီဂါပွဲစဉ် (၈) ရလဒ်နန့်အနှစ်ချုပ် “ဘာစီလိုနာ နိုင်ပွဲဆက်၍ မက်ဒရစ်နှစ်သင်း သုံးမှတ်ရယူခကာ ဘက်တစ်၏ တိုက်စစ်အင်အား ပေါ်လွင်နိုင်ခ” APM၊ အောက်တိုဘာ ၁၂ / ၂၀၂၆ ၁။ မာလာဂါ ၁–၁ အက်စ်ပန်ညို အက်စ်ပန်ညိုအသင်းက ဘရိုင်ယန် ဆာရာဂိုဇာ၏ ပွဲချိန် ၁၃ မိနစ်သွင်းဂိုးဖြင့် အိမ်သျှင်မာလာဂါကို ပွဲပြီးခါနီးအထိ အနိုင်ရနီခသည်။ ယေဒါလေ့ အယှုံးမပီးသည့်စိတ် အားမလျော့သည့်ဇွဲမာန်များနန့် အချိန်ပို ၉၀+၃ မိနစ်တွင် အဒရီယန် နီညိုက မာလာဂါအတွက် ပြန်ဆပ်ဂိုးသွင်းယူပီးခသည်။ ပွဲချိန်အများစုကို အသာစီးရယူထားနိုင်သည့် အသင်းဖြစ်စီ၊ အနိုင်ရလဒ်ကို လက်ထဲမာ ဆုပ်ကိုင်ထားနိုင်သည့် အသင်းဖြစ်စီ ဘောလုံးပွဲတပွဲ၏ နောက်ဆုံးပလီမှုတ်သံမမြည်မချင်း အောင်ပွဲကို အာမခံ၍မရကြောင်း မာလာဂါနန့် အက်စ်ပန်ညိုအသင်းရို့ပွဲတွင် မြင်တွိခရသည်။ ၂။ ရာယိုဗယ်လီကာနို VS အက်သလက်တစ်ဘီလ်ဘာအို-ပွဲစဉ်ရပ်နားခရ အသင်းပိုင်သျှင် ရာအူးလ် မာတင် ပရီဆာ၏ စီမံခန့်ခွဲမှုကို မကျေနပ်သည့် ရာယိုဗယ်လီကာနိုပရိသတ်များက ပွဲကဇတ်နီစဉ် စက္ကူလီယာဉ်များနန့် ရာဘာဘောလုံးငယ်များကို ကွင်းအတွင်းသို့ ပစ်ချခသည့်အတွက် အဆိုပါပွဲကို မိနစ် ၂၀ ကျော်တွင် ရပ်နားခသည်။ ပြန်လည်ကဇတ်မည့် အချိန်ဇယားကို လက်ဟိအချိန်ထိ မထုတ်ပြန်သိမ့်ကြောင်း သိရသည်။ ၃။ အလာဗက်စ် ၁–၂ အက်သလက်တီကိုမက်ဒရစ် အက်သလက်တီကိုမက်ဒရစ်အတွက် (၃၃ မိနစ်) တွင် ဂရိမယ်လ်ဒိုက ဦးဆောင်ဂိုးသွင်းယူပီးခသော်လည်း အလာဗက်စ်ဖက်က ပထမပိုင်းအချိန်ပို ၄၅+၆ မိနစ်မာပင် ဘိုယေး၏ ပင်နယ်တီဂိုးဖြင့် ပြန်ဆပ်နိုင်ခသည်။ သရေရလဒ်ဖြင့် ပွဲပြီးဆုံးရန်နီးကပ်လာချိန် ၈၇ မိနစ်အရောက်တွင် ခရစ္စတီယန် ရိုမဲရိုက အနိုင်ဂိုးကို သွင်းယူပီးခပြီး အက်သလက်တီကိုက အဝီးကွင်း၌ အဖိုးတန်သုံးမှတ်ဖြင့် အဆင့် (၂) နီရာကိုရယူနိုင်ခသည်။ အက်သလက်တီကိုမက်ဒရစ်နန့် အလာဗက်စ်ရို့ပွဲတွင် နည်းစနစ်ကောင်းမွန်ခြင်းထက် အဆုံးအထိ တိုက်ပွဲဝင်နိုင်သည့် စိတ်ဓာတ်နန့် အရေးကြီးဆုံးအချိန်၌ အခွင့်အရေးကို အသုံးချနိုင်မှုဆိုသည့် အားသာချက်၊ အားနည်းချက်များကို ပြသခသည်။ ၄။ ဘာစီလိုနာ ၃–၀ ဂီတာဖေး ရာသီအစကနီ လက်ဟိအချိန်ထိ အဟိန်အဟုန်ကောင်းကို ထိန်းသိမ်းထားသည့် ဘာစီလိုနာက ဂီတာဖေးကို အိမ်ကွင်း၌ ၃ ဂိုးပြတ်နန့် အနိုင်ယူခသည်။ ပွဲအစ နှစ်မိနစ်အတွင်း အန်သိုနီ ဂေါ်ဒွန်က ဦးဆောင်ဂိုး သွင်းယူပီးခပြီး (၃၀ မိနစ်)တွင် ဂါဘရီယဲလ် ဂျေဆူးက ဒုတိယဂိုး (၇၃ မိနစ်)၌ ဂျူးလ်စ် ကွန်ဒေးက တတိယဂိုးကို သွင်းယူပီးခကတ်သည်။ ဘာစီလိုနာသည် လာလီဂါ (၈) ပွဲစလုံးအနိုင်ရထားကာ သွင်းဂိုး ၂၇ ဂိုး၊ ရမှတ် ၂၄ မှတ်အပြည့်နန့် အမှတ်ပီးဇယားထိပ်ဆုံးတွင် ဆက်လက်ရပ်တည်နီသည်။ ၅။ ရီးရဲလ်မက်ဒရစ် ၁–၀ ဗီလာရီးရဲလ် လိဂ်ပြိုင်ဖက် ဘာစီလိုနာ၏ နိုင်ပွဲနန့် ရမှတ်များကို လိုက်မီစီရန်အတွက် ရီးရဲလ်မက်ဒရစ်အတွက် အနိုင်သုံးမှတ်သည် မဖြစ်မနီလိုအပ်သည့် ရလဒ်ဖြစ်ခသည်။ သို့သော် ဗီလာရီးရဲလ်ကို ကဇတ်သမားတယောက်လျော့အနီအထားဖြင့် ခက်ခက်ခဲခဲရင်ဆိုင်ခရကာ ပွဲချိန် (၆၄ မိနစ်)တွင် ယန် ဒီယိုမန်ဒေး သွင်းယူပီးခသည့် ဂိုးဖြင့် အနိုင်သုံးမှတ် ပိုင်ဆိုင်ခခြင်းဖြစ်သည်။ ယင်းပွဲတွင် ရီးရဲလ်ဖက်က တိုက်စစ်ကဇတ်သမား ဗီနီစီးယပ်စ် ဂျူနီယာ ၇၁ မိနစ်တွင် ပြိုင်ဖက်ကဇတ်သမား၏ ဆံပင်ကို ဆွဲခသည့်ဖြစ်ရပ်ကြောင့် အနီကတ်ဖြင့် ထုတ်ပယ်ခံခရကြောင်း သိရသည်။ ၆။ အယ်လ်ချေး ၀–၀ ဆဲလ်တာဗီဂို နှစ်သင်းစလုံးအတွက် နိုင်ပွဲရရန်အရေးကြီးခသော်လည်း ဂိုးသွင်းယူနိုင်ခြင်းမဟိခသဖြင့် အမှတ်တမှတ်စီနန့် သရေကျခသည်။ အယ်လ်ချေးက ၈ ပွဲကဇတ် ရမှတ် ၆ မှတ်နန့် အဆင့် (၁၇) ဆဲလ်တာဗီဂိုက ၈ ပွဲကဇတ် ရမှတ် ၈ မှတ်ဖြင့် အဆင့် (၉) နီရာတွင် အသီးသီ ရပ်တည်နီကတ်သည်။ ၇။ ရီးရဲလ်ဆိုစီဒက် ၃–၂ ဒီပို့တီဗို သုံးဂိုးပြတ်ဦးဆောင်ထားခသည့် ရီးရဲလ်ဆိုစီဒက်အတွက် အနိုင်သီချာသလောက်ဟိခသော်လည်း ဒီပို့တီဗို၏ ပြန်လာနိုင်မှုက သရေရလဒ်ဖက်သို့ ဦးတည်လာခသည်။ အိမ်သျှင် ရီးရဲလ်ဆိုစီဒက်က ဂျွန်မာတင်၊ ဇာခါရီယန် နန့် ဂွန်ဆာလို ဂွေးဒက်စ်ရို့သွင်းဂိုးများဖြင့် (မိနစ် ၅၀) ကျော်အထိ အနိုင်ရနီခသည်။ ယင်းနောက် ဒီပို့တီဗိုက ယင်းအခြေအနီကနီ မာရီယို ဆိုရီယာနို၊ ယေရမေးရို့ သွင်းဂိုးများဖြင့် ၂ ဂိုး ပြန်ဆပ်နိုင်ခသည်။ (၆၆ မိနစ်)တွင် ရီးရဲလ်ဆိုစီဒက်ဖက်က ပါဘလို မာရင် အနီကတ်ဖြင့် ထုတ်ပယ်ခံခရပြီး ဖိအားများကို ခံခရသည်။ ယင်းအတူ ဒီပို့တီဗိုဖက်ကလည်း (မိနစ် ၉၀) တွင် လော်ရန်ဇို အမာတူချီ အနီကတ်နန့် ထုတ်ပယ်ခံခရသည်။ ၉၀+၈ မိနစ်တွင် ပွဲပြီးဆုံးခသည့် ယင်းပွဲတွင် ဂိုးသမား အဲလက်စ် ရီမီရို၏ အရေးပါသော ကာကွယ်မှုများကြောင့် ဆိုစီဒက်က ၃–၂ ဖြင့် အနိုင်ရပြီး ၁၃ မှတ် နန့် အဆင့် (၆) တွင် ရပ်တည်နိုင်ခသည်။ ၈။ ရီးရဲလ်ဘက်တစ် ၅–၂ အိုဆာဆူနာ ရီးရဲလ်ဘက်တစ်အသင်းက အိမ်ကွင်းတွင် တိုက်စစ်စွမ်းအားကိုအပြည့်အဝပြသခပြီး ၅ ဂိုး ၂ ဂိုး နန့် နိုင်ပွဲရခကာ အဆင့် (၃) အထိ တက်လှမ်းနိုင်ခသည်။ အသင်းအတွက် ဂိုးများကို အစ္စကိုက ၂ ဂိုး၊ အက်ဇ်ဇယ်ဇူလီ၊ လော်ရန်တေးနန့် မိုရန်တေးရို့က တယောက် ၁ ဂိုး သွင်းယူခကတ်သည်။ အိုဆာဆူနာဖက်ကလည်း အန်တေး ဘူဒီမီယာနန့် ရာအူးလ်ရို့ မိနစ် (၅၀) ကျော်တွင် ပြန်ဆပ်ဂိုး ၂ ဂိုးသွင်းယူခသည်။ ယေဒါလေ့ ဘက်တစ်၏ တိုက်စစ်ကို ရပ်တန့်ရန် အိုဆာဆူနာအတွက် ခက်ခဲခပြီး ၅-၂ ဖြင့် အယှုံးပီးခရသည်။ ၉။ ရာစင်းဆန်တန်ဒါ ၂–၂ ဗလင်စီယာ အိမ်သျှင်ရာစင်းဆန်တန်ဒါနန့် ဗလင်စီယာအသင်းရို့ပွဲတွင် ဦးဆောင်ဂိုး၊ ပြန်ဆပ်ဂိုးနန့် အနိုင်ရလဒ်အတွက် အပြန်အလှန်ကြိုးစားမှုများဖြင့် ပြည့်နှက်နီခသော်လည်း တဖက် ၂ ဂိုးစီ သရေကျခသည်။ ဗလင်စီယာအတွက် နည်းပြသစ် ဟာဗီယာ အဂွီရေ၏ ပထမဆုံးပွဲဖြစ်ခသည့်အတွက်လည်း ရလဒ်က အသင်းအတွက် အရေးပါခသည်။ ရမှတ် ၁ မှတ်စီနန့် လာလီဂါပွဲစဉ် (၈) ကို ပြီးဆုံးကာ အဆင့် (၁၄) နန့် အဆင့် (၁၉) နိရာများတွင် ရပ်တည်ခကတ်သည်။ ၁၀။ လီဗန်တေးနန့် ဆီဗီလာ လာလီဂါပွဲစဉ် (၈) ၏ ကဇတ်ရန်ကျန်ဟိသည့် လီဗန်တေးအသင်းနန့် ဆီဗီလာအသင်းရို့ပွဲစဉ်ကို အောက်တိုဘာ ၁၃ ရက်နိ၊ မိုးထ ၁ နာရီ ၃၀ တွင် ဆက်လက်ယှဉ်ပြိုင်လားမည်ဖြစ်သည်။ 1.4KOct 12

Photo 954Oct 12