Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Currency

$ USD ₽ RUB € EUR ₴ UAH ₸ KZT ₺ TRY zł PLN ₪ ILS AED AED R$ BRL Rp IDR RM MYR ¥ JPY ₩ KRW CN¥ CNY

Theme

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

Arakan Princess Media: post #24784 — TG.ME

Arakan Princess Media@arakanprincess · 18.4K subscribers Open in TelegramOpen

t.me/arakanprincess/24784

1

September 7, 2026 625

More from this channel

တပတ်အတွင်း အာရက္ခပြည်တွင်း သတင်းအကျဉ်းချုပ် (ဩဂတ်စ် ၃၁ ရက်နိမှ စပ်တမ်ဘာ ၆ ရက်နိအထိ) APM ၊စပ်တမ်ဘာ ၇ /၂၀၂၆ ၁။ ၃၁- ၈-၂၀၂၆ (တလင်းလာ) အာရက္ခပြည်၊ မောင်တောမြို့နယ်မြောက်ပိုင်းဟိ ခမောင်းဆိပ်ရွာတွင် ၂၀၁၇ ခုနှစ်၊ ဩဂတ်စ် ၂၅ ရက်နိ၌ ဟိန္ဒူလူမျိုးများအစုလိုက်အပြုံလိုက်သတ်ဖြတ်ခံရမှုအပေါ် မမိန့်မပျောက်စီရန်နန့် ကျူးလွန်ခံရသူများ တရားမျှတမှု ရဟိရီးအတွက် နိုင်ငံတကာအဆင့် ဖော်ထုတ်စစ်ဆီးပီးရန် ကုလသမဂ္ဂ နန့် အိန္ဒိယအစိုးရထံ အမေရိကန် ရက္ခိုင်လူမှုအဖွဲ့အစည်း ( AAC) က တောင်းဆိုထားသည်။ ၂။ ၁-၉-၂၀၂၆ (အင်္ဂါ) (၁) အာရက္ခတပ်တော်(AA)ထံတွင် ကိုယ့်စိတ်ဆန္ဒအရ တာဝန်ထမ်းဆောင်ရန်ဟုဆိုကာ ရောက်ဟိလာသော အသက်မပြည့်သိမ့်သည့် ပေါက်တောပြင်ရွာမှ အဖ ဦးသိန်းအောင်ချေ၏သား မောင်မင်းခန့် (၁၃ နှစ်)အား ရက္ခိုင်အမျိုးသားအဖွဲ့ချုပ်/ အာရက္ခတပ်တော် (ULA/AA) မှ စပ်တမ်ဘာ (၁) ရက်နိတွင် သက်ဆိုင်ရာ မိသားစုထံသို့ ပြန်လည်လွှဲပြောင်းအပ်နှံခသည်။ (၂) အာရက္ခပြည်သူ့တော်လှန်ရီးအစိုးရ၊ အာရက္ခပြည်သူ့ကျန်းမာရီးဌာန (ဗဟို) မှ လစ်လပ်လျက်ဟိနီသည့် ရုံးအကူ (၁) နီရာ ခန့်အပ်ရန်အတွက် လျှောက်လွှာများ ခေါ်ယူနီကြောင်း အာရက္ခပြည်သူ့ကျန်းမာရီးဌာနမှ စပ်တမ်ဘာ (၁) ရက်နိတွင် ထုတ်ပြန်ထားသည်။ ၃။ ၂-၉-၂၀၂၆ (ဗုဒ္ဓဟူး) အာရက္ခပြည်အတွင်း အချေများအပေါ် လိင်ပိုင်းဆိုင်ရာအကြမ်းဖက်မှုနန့် လိင်ပိုင်းဆိုင်ရာအမြတ်ထုတ်မှု မှုခင်းများ မဖြစ်ပွားစီရီးအတွက် မိဖနန့် အုပ်ထိန်းသူများအနီဖြင့် ကရို့အချေများကို သတိလက်လွတ်မထားဘဲ သတိနန့်ဂရုတစိုက် စောင့်ယှောက်ထိန်းကျောင်းပီးကတ်ရန် အာရက္ခမှုခင်းနန့်ဆက်စပ်သတင်းများ ထုတ်ပြန်ရီးအဖွဲ့မှ စပ်တမ်ဘာ (၂) ရက်နိ ထုတ်ပြန်ချက်၌ တိုက်တွန်းထားသည်။ ၄။ ၃-၉-၂၀၂၆ (ကြာသပတီး) (၁) အာရက္ခပြည်၊ ဂွ၊ ကျိန္တလီ နန့် ဂျိတ်တောမြို့ အနီးဝန်းကျင်များကို ဖက်ဆစ် အကြမ်းဖက် စစ်ကော်မသျှန်တပ်၏ စစ်သင်္ဘောများမှ ရီကြောင်းတိုက်ခိုက်နီကြောင်း အာရက္ခတပ်တော် (AA) မှ စပ်တမ်ဘာ ၃ ရက်နိတွင် ထုတ်ပြန်သည်။ (၂) စပ်တမ်ဘာ ၃ ရက်၊ ညဇာပိုင်းအချိန်တွင် အာရက္ခပြည် ပုဏ္ဏားကျွန်း-စစ်တွေ- ရသေ့တောင် မြို့ (၃) မြို့ အစပ်ကြား ပတ်ဝန်းကျင် ရပ်ရွာများကို ဖက်ဆစ် အကြမ်းဖက် စစ်ကော်မသျှန်တပ်က လီကြောင်းကနီ ဗုံးကြဲချတိုက်ခိုက်မှု ပြုလုပ်ခကြောင်း အာရက္ခတပ်တော်(AA) မှ ယင်းနိတွင် ထုတ်ပြန်ထားသည်။ ၅။ ၄-၉-၂၀၃၆ (သောကြာ) (၁) အာရက္ခဒေသ၌ ဒေဂုရက်ပိုင်းအတွင်း ဖက်ဆစ်အကြမ်းဖက် စစ်ကော်မသျှင်တပ်မှ လီကြောင်း၊ ရီကြောင်းနန့် လက်နက်ကြီးများဖြင့် တိုက်ခိုက်မှုများ ဆက်တိုက်ပြုလုပ်လာနီသဖြင့် အာရက္ခဒေသနီ ပြည်သူများအနီဖြင့် စစ်ရီးအန္တရာယ်များကို အချိန်ပြည့် အထူးသတိထားကတ်ရန် ရက္ခိုင်အမျိုးသားအဖွဲ့ချုပ် (ULA) မှ စပ်တမ်ဘာ ၄ ရက်နိတွင် သတင်းထုတ်ပြန်အသိပီးထားသည်။ (၂) ဧရာဝတီတိုင်း၊ လေးမျက်နှာမြို့နယ်တွင် စပ်တမ်ဘာ ၃ ရက်နိက ဖက်ဆစ် အကြမ်းဖက် စစ်ကော်မသျှန်တပ် ထောင်ထားခသည့် မြီမြုပ်မိုင်းနင်းမိ၍ ဂွမြို့နယ်မှ လေးမျက်နှာတွင် စစ်ယှောင်နီသူ ဦးချစ်ကို (၄၀ နှစ်)သီဆုံးလားသည်။ (၃) အာရက္ခတပ်တော်(AA)ထံတွင် ကိုယ့်စိတ်ဆန္ဒအရ တာဝန်ထမ်းဆောင်ရန်ဟုဆိုကာ ရောက်ဟိလာသော ကျောက်တော်မြို့နယ်၊ လမ်းမတော်ရွာမှ အဖ ဦးသာဇံဦး၏သား မောင်ဝေယံမင်း (၁၃ နှစ်)အား ရက္ခိုင်အမျိုးသားအဖွဲ့ချုပ်/ အာရက္ခတပ်တော် (ULA/AA) မှ စပ်တမ်ဘာ (၄) ရက်နိတွင် မိသားစုထံသို့ ပြန်လည်လွှဲပြောင်းအပ်နှံခသည်။ ၆။ ၅-၉-၂၀၂၆ (စနီ) ကျောက်ဖြူခရိုင်အတွင်းဟိ ဝီးလံခေါင်ဖျားပြီး ကျန်းမာရီးဝန်ဆောင်မှုများကောင်းစွာမရဟိသည့် ရွာပေါင်း ၁၀ ကျော်က ဒေသခံပြည်သူများကို အာရက္ခပြည်သူ့ကျန်းမာရီးဌာနမှ စပ်တမ်ဘာလ ပထမအပတ်အတွင်း ကျန်းမာရီး စောင့်‌ယှောက်မှုများ ပြုလုပ်ခသည်။ ၇။ ၆-၉-၂၀၂၆ (တလင်းဂနီ) (၁) ကျောက်တော်မြို့နယ်တွင် အသက် (၁၄) နှစ်အရွယ် အမျိုးသမီးချေအား မုဒိမ်းမှုအပြင် ဓမ္မတာနန့်ဆန့်ကျင်သည့် ကာမစပ်ယှက်မှု ကျူးလွန်ခသူကျောက်တော်မြို့နယ်၊ သိန်းတန်ရွာက ဦးမောင်အေးလှကို အလုပ်ကြမ်းနန့် ထောင်ဒဏ်အနှစ် (၃၀) အမိန့်ချမှတ်လိုက်ကြောင်း အာရက္ခမှုခင်းနန့်ဆက်စပ်သတင်းများထုတ်ပြန်ရီးအဖွဲ့မှ စပ်တမ်ဘာ ၆ ရက်နိတွင် ထုတ်ပြန်သည်။ (၂) အာရက္ခပြည်၊ မြောက်ဦးမြို့နယ် နန့် ပလက်ဝမြို့နယ်မှ ပြည်ပ၌ အလုပ်လုပ်ရန် အကျိုးဆောင် လိုင်စန်မဟိဘဲ တရားမဝင် လူပို့ပီးနီသည့် မြောက်ဦးမြို့ နယ်၊ အိုးထိမ်းရွာမှ ယဉ်ယဉ်ဝင်း (၃၀နှစ်)နန့် ပလက်ဝမြို့နယ်၊ ဟုန်းရွာက ခိုင်မြတ်မွန် (၂၁နှစ်)ရို့ကို ဒီလပ် ဖမ်းဆီး စစ်ဆီးပြီး ပြည်ပအလုပ် အကိုင်ဆိုင်ရာဥပဒေဖြင့် အမှုဖွင့် အရေးယူ‌ဆောင်ရွက်ထားကြောင်း အာရက္ခမှုခင်းနန့် ဆက်စပ်သတင်းများ ထုတ်ပြန်ရီးအဖွဲ့မှ စပ်တမ်ဘာ ၆ ရက်နိတွင် ထုတ်ပြန်သည်။ 620·Sep 7

[media post] 1.3K·Sep 7 သံတွဲကို စကမ ဗုံးချ၍ ပြည်သူ ၁ဦး သီဆုံး၊ ၃ဦး ဒဏ်ရာရ APM၊ စပ်တမ်ဘာ ၇/၂၀၂၆ အာရက္ခပြည်၊ သံတွဲမြို့နယ်ကို ဂနိ၊ စပ်တမ်ဘာ ၇ရက်နိ၊ မိုးထပိုင်းတွင် ဖက်ဆစ် အကြမ်းဖက် စစ်ကော်မသျှန်တပ်မှ လီကြောင်းဗုံးကြဲတိုက်ခိုက်ခ၍ အရပ်သားပြည်သူ ၁ ဦး သီဆုံးပြီး၊ ၃ ဦး ထိခိုက် ဒဏ်ရာရဟိလားကြောင်း ဒေသခံများက ပြောသည်။ သီဆုံးလားသူသည် သံတွဲမြို့၊အမှတ် (၈) ရပ်ကွက်မှ ဒေါ်သန်းသန်းကြွယ် (၈၀နှစ်) ဖြစ်ပြီး၊ဒဏ်ရာရလားသူများမာ‌ အမှ (၈) ရပ်ကွက်က မမို့မို့မြင့်အောင်( ၂၈ နှစ်)၊‌ ဒေါ်အေးအေးကြွယ်(၆၆နှစ်)နန့် ကိုရန်နောင်ထက်( ၂၈နှစ်) ရို့ဖြစ်ကတ်သည်။ ဂနိ၊မိုးထ ၁ဝ နာရီ ၃၀ မိနစ်ခန့်တွင် ဖက်ဆစ် အကြမ်းဖက် စစ်ကော်မသျှန်တပ်၏ ဂျက်ဖိုက်တာ တစီးသည် အမှတ် (၈) ရပ်ကွက်ကို ပေါင်( ၃၀၀)ဗုံး ၂ လုံး လာရောက်ကြဲချ တိုက်ခိုက်ခပြီး စက်သီနတ်ဖြင့်လည်း ပစ်ခတ်တိုက်ခိုက်ခကြောင်း ဒေသခံများက ပြောသည်။ ယင်းဗုံးကြဲတိုက်ခိုက်မှုကြောင့် အမှတ် (၈) ရပ်ကွက်မှ ဒေါ်သန်းသန်းကြွယ်မာ နီရာ၌ပင် သီဆုံးလားပြီး နောက်ထပ် မမို့မို့မြင့်အောင်၊ ဒေါ်အေးအေးကြွယ်နန့် ကိုရန်နောင်ထက် ရို့မာလည်း ဗုံးစထိမှန်ကာ ဒဏ်ရာရလားသည်ဟု ဆိုသည်။ လက်ဟိတွင် ဒဏ်ရာရလားသူများမာ အရေးပေါ်ဆီးကုသမှုခံယူလျက်ဟိကြောင်း သိရသည်။ ယင်းအပြင် နီအိမ် ၆ လုံးလည်း ဗုံးစထိမှန် ပျက်စီးလားခကြောင်းသိရသည်။ ဒေဂုရက်ပိုင်းအတွင်း ဖက်ဆစ်အကြမ်းဖက် စစ်ကော်မသျှန်တပ်သည် အာရက္ခပြည်ကို လီကြောင်း၊ရီကြောင်း၊လက်နက်ကြီးများ ဆက်တိုက်ပစ်ခတ် နီသောကြောင့် ပြည်သူများအနီဖြင့် လီကြောင်း၊လက်နက်ကြီးရန်များကို အထူးသတိထားကတ်ရန် ရက္ခိုင်အမျိုးသားအဖွဲ့ချုပ်/အာရက္ခတပ်‌ တော်(ULA /AA)မှ အသိပီးတိုက်တွန်းထားသည်။ Photo - AA Info Desk 1.3K·Sep 7 သာလီစွ မိုးထဖက်ပါ .. ရက္ခိုင်သက္ကရာဇ် ၁၃၈၈ ခုနှစ်၊ ဝါခေါင်လပြည့်ကျော် (၁၀) ရက် ၊ ခရစ်နှစ် ၂၀၂၆ ခုနှစ်၊ စပ်တမ်ဘာ ( ၇) ရက်၊ Arakan Princess Media ၏ မိုးထဖက်သတင်းအစီအစဉ် တိကိုတင်ဆက်ထုတ်လွှင့်ပီးလိုက်ပါရေ။ ဒေနိ မိုးထဖက်အစီအစဉ်မာ မြတ်လီပြေ နန့် စံသိန်းထွန်း ရို့ကသတင်းတိကိုတင်ဆက် ပီးထားကတ်စွာဖြစ်ပါရေ။ ဒေနိ မိုးထဖက်အစီအစဉ်မာ နားထောင်ကတ်ရဖို့ သတင်းတိကတော့ခါ -------- (၁) ပုဏ္ဏားကျွန်း၊ ရှိဟောင်းသမိုင်းဝင် ဂူဝဘုရားကို စကမ လီကြောင်းတိုက်ခိုက်၊ ဘုရားရုပ်ပွားတော် တချို့နန့် အဆောက်အအုံတချို့ပျက်စီးရေ သတင်း၊ (၂) မြောက်ဦးနန့် ပလက်ဝက ပြည်ပမာ အလုပ်လုပ်ဖို့ အကျိုးဆောင် လိုင်စန်မဟိဘဲ တရားမဝင် လူပို့ပီးနီရေ အမျိုးသမီး (၂) ယောက်ကို ပြည်ပအလုပ်အကိုင်ဆိုင်ရာဥပဒေနန့် ဒီလပ် အမှုဖွင့် အရေးယူထားရေ သတင်းနန့် (၃) အာရက္ခဒေသတခွင် တရားဥပဒေစိုးမိုးရီး လုပ်ငန်းတိ ဒီလပ် တိုးချဲ့လုပ်ဆောင်လို့ဟိရေပြည်တွင်းသတင်း အပါအဝင် တခြားထူးခြားရေ ပြည်ပသတင်းတိ နန့် အားကဇတ် သတင်းတိကို တင်ဆက်ပီးထားပါရေ။ Arakan Princess Media ကထုတ်လွှင့်နီရေ အစီအစဉ်တိကို Telegram Channel အပြင် YouTube ,Facebook ရို့မာဝင်ရောက်နားထောင်နိုင်ပြီးကေ မြီပြင်မာ လီလှိုင်းထက်ကလည်း FM Frequency 90.30 MHz က ဖမ်းယူနားထောင်နိုင်ပါရေ။ Arakan Princess Media ၏ အစီအစဉ်တိကို နိစဉ် မိုးထဖက် (၈) နာရီနန့် ညဇာဖက် (၈) နာရီမာ ပုံမှန်ထုတ်လွှင့် တင်ဆက်ပီးနီပါရေ။ အာရက္ခပြည်သူ ပြည်သားရို့အားလုံး ဖီးအန္တရာယ် ကင်းဝီးကတ်ပါစီ။ #APM # အာရက္ခမင်းသမီးသတင်းမီဒီယာ #APMFM =============== YouTube Link: https://www.youtube.com/channel/UC2pqSWqtEsKY1Cxh-u-KelQ Telegram Channel Link: https://t.me/arakanprincess 1.8K·Sep 7 ရက္ခိုင်သက္ကရာဇ် ၁၃၈၈ ခုနှစ်၊ ဝါခေါင်လပြည့်ကျော် (၁၀) ရက် ၊ ခရစ်နှစ် ၂၀၂၆ ခုနှစ်၊ စပ်တမ်ဘာ ( ၇) ရက်၊ Arakan Princess Media ၏ မိုးထဖက်သတင်းအစီအစဉ် 1.6K·Sep 7

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 09/05/2026 · v0.2.0 · cd00242

Privacy Terms DMCA & complaints Report a violation

Similar channels

Western News28.6K subscribers

AA Info Desk45.7K subscribers

Narinjara News16.9K subscribers

Arakan Bay News - ABN Channel10.8K subscribers

Khaing Thu Kha12.7K subscribers

Development Media Group8.6K subscribers

ONE NATION NEWS3.5K subscribers

The Irrawaddy - Burmese76.6K subscribers